1. ᖃᕋᓴᐅᔭᑎᒍᑦ ᑐᕌᑦᑕᕐᕕᒃ
• ᕼᐋᒻᒪᓚᒃᑯ ᐸᖕᓂᕐᑑᒥ ᖃᕋᓴᐅᔭᑦᑎᒍᑦ ᑐᕌᑦᑕᕐᕕᖓ ᐱᒋᐊᑦᑎᑕᐅᓛᑦᑐ ᓇᒡᒐᔾᔭᐅᓕᖅᑭ ᓯᑉᑎᐊᒻᐸ 7ᒥ
• ᑐᕌᑦᑕᕐᕕᔅᓴᖓ ᐱᓕᕆᔭᐅᓯᒪᓕᑦᑐ 8 ᑕᖅᑭᓂᑦ. ᕼᐋᒻᒪᓚᒃᑯ ᐃᖅᑲᓇᐃᔭᑦᑎᖏ ᐊᒻᒪᓗ ᖃᕋᓴᐅᔭᓕᕆᔨᒃ ᒫᑲᔅ ᓰᕗᓚᒃᑯ ᐊᔅᓱᕈᑦᑐᑎ ᐱᓕᕆᓯᒪᕗᑦ ᑐᑭᓯᒋᐊᕐᕕᔅᓴᐅᓂᐊᑦᑐᒥ ᐊᒻᒪᓗ ᕿᒥᕐᕈᕕᐅᔪᓐᓇᓂᐊᑦᑐᒥ.
• ᑐᕌᑦᑕᕐᕕᐅᓂᐊᑦᑐ ᓴᓇᔭᐅᔪᖅ ᐱᕕᖃᑦᑎᒍᓐᓇᖁᓪᓗᒋ ᑐᑭᓯᒋᐊᕈᑎᓂᑦ ᐸᖕᓂᕐᑑᒥᐅᑕᓐᓄᑦ ᐊᒻᒪᓗᑦᑕᐅ ᓯᓚᕐᔪᐊᒥᐅᑕᓐᓄᑦ.
• ᓴᖅᑭᑦᑎᖃᑦᑕᓂᐊᑦᑕᕗ ᑐᕌᑦᑕᕐᕕᑦᑎᓐᓄ ᕼᐋᒻᒪᓚᒃᑯ ᑲᑎᒪᔾᔪᑎᒥᓂᖏᑦ, ᐸᐃᓛᖑᔪᐃᑦ ᐊᒻᒪᓗ ᐊᓯᖏ ᑐᑭᓯᒋᐊᕈᑏᑦ.
• ᑐᕌᑦᑕᕐᕕᒃ ᑕᑯᔪᒥᓇᓐᓂᐊᑦᑐ ᐊᒻᒪᓗ ᑕᑯᖃᑦᑕᓂᐊᑦᑐᑎ ᓄᑖ ᑐᑭᓯᒋᐊᕈᑎᓂᑦ ᐃᓚᔭᐅᒐᐃᑉᐸᑕ.
2. ᑐᓚᑦᑕᕐᕕᔅᓴᖅ
• ᕼᐋᒻᒪᓚᒃᑯ ᐸᖕᓂᕐᑑᒥ ᑳᓐᑐᕋᑦᕆᓚᐅᑦᑕᖓ ᓯᕗᓪᓕᑉᐹᖓᓂ ᓴᓇᔭᐅᑎᓪᓗᒍ ᐱᔭᕇᓚᐅᑦᑐ ᖄᖏᐅᑎᒐᓂ ᐊᒻᒪᓗ ᐊᑐᑦᑐᔅᓴᖏᑦ ᐅᖓᑖᓅᕋᑎ.
• ᐱᓕᕆᐊᔅᓴᐅᑉ ᑐᖏᓕᐊᓂ ᓴᓇᔭᐅᓂᖓ ᐱᒋᐊᔅᓯᒪᓕᑦᑐ. ᑖᓐᓇ ᑳᓐᑐᕋᑦᕆᔭᐅᔪ ᑕᐅᕗ ᐋᒃᑎᒃᑯᓐᓂ.
• ᑐᖏᓕᐊᓂ ᓴᓇᔭᐅᓂᖓᑕ, ᒪᓂᖅᑲᓴᑦᑕᐅᑲᓐᓂᓂᐊᑦᑐ ᐃᖅᑲᖓ, ᒪᓪᓕᓗᐊᔾᔭᐃᑯᑎ ᓴᓇᔭᐅᓂᐊᑦᑐ ᐊᒻᒪᓗ ᒪᕐᕉ ᒥᔅᓴᕐᕖᓐᓂ ᓴᓇᓂᐊᕆᓪᓗᑎ. ᐊᐃᑉᐸᖓ ᒥᔅᓴᕐᕕᒃ ᑐᕌᖓᓂᐊᑦᑐ ᓂᐅᕋᐃᕕᐅᖃᑦᑕᓪᓗᓂ ᐅᒥᐊᕐᔪᐊᓐᓄᑦ ᐊᒻᒪᓗ ᐊᐃᑉᐹ ᐃᓄᓐᓄ ᑐᕌᖓᓗᓂ.
• ᐅᑭᐊᔅᓵᖑᓂᐊᑦᑐᒥ ᐋᖅᓯᔅᓯᓛᑦᑐᒍ ᐳᑦᑕᐅᓯᐅᕐ ᑐᓚᑦᑕᕐᕕᒻᒥ ᖃᐅᔨᓴᓪᓗᒍ ᐃᓂᖓᓃᒍᓐᓇᒻᒪᖔ ᐅᑭᐅᖑᑎᓪᓗᒍ.
• ᐊᐅᔭᕆᓛᑦᑕᑎᓐᓂ 2011, ᐊᖏᔪᖅ ᒪᓂᖅᑲᔅᓴᐅᑎ ᑎᑭᑎᑕᐅᓛᑦᑐ ᐸᖕᓂᕐᑑᒧ ᒪᓂᖅᑲᔅᓴᐃᒋᐊᑦᑐᓪᓗᓂ ᑐᓚᑦᑕᕐᕕᐅᑉ ᐃᖅᑲᖓᓂ.
• 2012ᒥ, ᑐᓚᑦᑕᕐᕕᔅᓴᐃᑦ ᐳᑦᑕᓯᐅᓪᓗ ᐋᖅᑭᑦᑕᐅᓛᑦᑐ
• ᓂᕆᐅᑦᑐᒍ ᑐᓚᑦᑕᕐᕕᔅᓴᖅ ᐊᑐᑦᑕᐅᔪᓐᓇᓕᕆᐊᖓ 2013ᒥ.
• ᐱᓕᕆᖃᑎᖃᑦᑎᐊᑦᑐᒍ ᑕᐅᕗ ᐋᒃᑎᒃᑯᓐᓂ ᐊᒻᒪᓗ ᓈᒻᒪᒋᓪᓗᒋᑦ ᐃᖅᑲᓇᐃᔮᕆᒋᐊᓕᖏᑦ ᐱᓕᕆᔭᐅᒻᒪᑕ ᑕᐅᕗ ᐋᒃᑎᒃᑯᓐᓂ.
3. ᒑᓯᔅᓴᓕᐅᕆᓂᖅ
• ᕼᐋᒻᒪᓚᒃᑯ ᓱᓕ ᑲᔪᖏᔅᓯᕙᑦᑐ ᓄᓇᕗᑦ ᒐᕙᒪᒃᑯᖏᓐᓂ ᐃᑭᑦᑎᓂᐅᔪᖅ ᐊᔅᓯᕕᒻᒥ ᓈᒻᒪᒋᔭᐅᓐᖏᒻᒪᑦ ᐸᖕᓂᕐᑑᒥᐅᑕᓐᓄ.
• ᑲᑎᒪᖃᑎᖃᔅᓯᒪᔪᒍᑦ ᓄᓇᕗᑦ ᒐᕙᒪᒃᑯᖏᓐᓂ ᐊᒻᒪᓗ ᑕᑯᓐᓇᑎᔅᓯᒪᔭᕗᑦ ᖃᐅᔨᓴᔅᓯᒪᔭᑦᑎᓐᓂ ᐊᑦᑕᓇᓐᓂᖓᓄ ᐃᑭᑦᑎᓂᐅᔫᑉ ᐊᔅᓯᕕᒻᒥᑦ ᐊᒻᒪᓗ ᐊᑦᑐᑕᐅᓂᕆᕙᑦᑕᖏᓐᓂ ᓄᓇᓕᓐᓂᒥᐅᑕᓐᓄ.
• ᓄᓇᕗᑦ ᒐᕙᒪᒃᑯᖏᑦ ᐃᖅᑲᓇᐃᔭᑦᑎᑦᑎᕗ ᖃᐅᔨᓴᑦᑎᒥᑦ ᖃᐅᔨᓴᓐᓂᐊᓪᓗᒍ ᑕᒪᓐᓇ ᐃᓱᒫᓘᑕᐅᔪᖅ ᐊᒻᒪᓗ ᓂᕆᐅᑦᑐᒍ ᒫᓐᓇᕈᓗ ᐸᖕᓂᕐᑑᒦᓛᓐᖓᑦ ᐅᖃᖃᑎᖃᕆᐊᑦᑐᓪᓗᓂ ᕼᐋᒻᒪᓚᒃᑯ ᐃᖅᑲᓇᐃᔭᑦᑎᖏᓐᓂ.
• ᐱᓇᓱᐊᕈᓯᐅᓚᐅᑦᑐ, ᒪᐃᔭ ᐊᒻᒪᓗ ᐊᓪᓚᑦᑎ ᐅᐸᔅᓯᒪᓚᐅᑦᑑ ᓄᓇᕗᑦᒥ ᑲᑐᔾᔨᖃᑎᒌᑦ ᓄᓇᓕᐅᔪᓄ ᑲᑎᒪᑎᓪᓗᒋᑦ ᐃᖃᓗᓐᓂ.
• ᑕᕝᕙᓂ ᑲᑎᒪᓂᒻᒥᑦ, ᓄᓇᓕᐅᔪᓄ ᑲᑐᔾᔨᖃᑎᒌᑦ ᐱᖁᔨᕗᖔᔅᓯᓚᐅᑉᐳ ᐊᖏᑦᑐᐃᓐᓇᐅᓪᓗᑎ ᓄᓇᕗᑦ ᒐᕙᒪᒃᑯᖏᑦ ᓯᕗᓪᓕᐅᔾᔨᔪᔅᓴᐅᕗᑦ ᑕᒪᑐᒥᖓ ᐃᓱᒫᓘᑕᐅᔪᒥ.
• ᐊᖏᖃᑎᖃᕋᓱᓐᓂᐊᑦᑐᒍ ᓄᓇᕗᑦ ᒐᕙᒪᒃᑯᖏᓐᓂ ᖃᐅᔨᓴᓐᓂᒃᑯ ᐱᓕᕆᐊᔅᓴᖃᓪᓗᑕ ᐊᒻᒪᓗ ᓂᕆᐅᑦᑐᒍ ᓴᓇᔪᖃᓛᕆᐊᖓ ᐊᐅᔭᐅᓛᑦᑐᒥ.
4. ᓄᓇᓕᐅᔪᒥᑦ ᐱᔨᑦᑎᕋᑦᑕᐃᑦ
• ᕼᐋᒻᒪᓚᒃᑯᑦ ᐊᑭᓕᔅᓴᓕᐅᓛᑦᑐ ᐊᒻᒪᓗ ᑲᑎᒪᔩᑦ ᐱᖁᔨᕗᖔᑦᑎᑦᑎᓚᐅᑉᐳ ᐊᖏᑦᑐᐃᓐᓇᐅᓪᓗᑎ ᐊᑐᑦᑐᔅᓴᓂᑦ ᐅᑎᑦᑎᒐᓱᓪᓗᒋ ᑮᓇᐅᔭᐃᑦ.
• ᐃᓚᒋᔭᐅᓂᖓᓄ ᐊᑐᑦᑐᔅᓴᐃᑦ ᑮᓇᐅᔭᐃᑦ ᐅᑎᑦᑎᒐᓱᓐᓂᖏᓐᓄᑦ, ᐊᓯᔾᔨᑦᑕᐅᓂᐊᑦᑐ ᐱᔨᑦᑎᕋᓐᓂᐅᕙᑦᑐ ᐃᒥᕐᑕᓂᕐᒧᑦ ᐅᐊᑦᑕᒃᑯᕐᕕᓕᕆᓂᕐᒧᓪᓗ:
ᓇᒡᒐᔾᔭᐅᒥᑦ ᐅᓪᓗᑐᐃᓐᓇᒻᒧᑦ 8:30ᒥ 5:00ᒧ / 6:00ᒥ 8:00ᒧ
ᓯᕙᑖᕐᕕᒃᒥᑦ 9:00ᒥ 9:00ᒧ
ᓈᑦᑎᐅᖑᔭᒥᑦ 9:00ᒥ 5:00ᒧ
• ᐱᒋᐊᓪᓗᒍ ᓯᑉᑎᐊᒻᐸ 20ᒥ, ᓇᒡᒐᔾᔭᐅᒥ ᐅᓪᓗᑐᐃᓐᓇᒻᒧ ᐅᓐᓄᒃᑯ ᓄᓇᓕᐅᔪᒧ ᐱᔨᑦᑎᕋᕐᓂᖅ ᓄᖅᑲᓛᑦᑐ.
5. ᓴᕕᕋᔭᐃᑦ ᑕᒫᓂᖅᑭᔪᐃᑦ
• ᑲᑎᒪᔩᑦ ᐱᓕᕆᖃᑎᖃᕈᒪᔪᐃᑦ ᐸᖕᓂᕐᑑᒥᐅᑕᓐᓂᑦ ᐱᐅᓯᑎᒃᑲᓐᓂᕋᓱᓪᓗᒍ ᓄᓇᓕᐅᔪᖅ.
• ᓅᑕᐃᓐᓇᕆᔪᒪᔭᕗᑦ ᓴᕕᕋᓛᓕᒫᑦ ᑕᒫᓂᖅᑭᔪᐃ ᓄᓇᓕᐅᔪᒥ ᑖᕗᖓ ᓴᕕᕋᔭᒃᑯᕕᒻᒧ ᐊᔅᓯᕕᐅᑉ ᓴᓂᐊᓃᑦᑐᒥ.
• ᓴᕕᕋᔭᐃᑦ ᐃᒪᐃᑦᑑᔪᓐᓇᑦᑐᐃ:
- ᓄᓇᓯᐅᑎᒥᓃᑦ
- ᓯᑭᑑᒥᓃᑦ
- ᐊᓐᓄᕌᓄᑦ ᐅᐊᓴᐅᑎᒥᓃᑦ ᐊᒻᒪᓗ ᐸᓂᔅᓴᐅᑎᒥᓃᑦ
• ᐅᖄᓚᔪᓐᓇᑦᑐᑎ ᕼᐋᒻᒪᓚᒃᑯ ᐊᓪᓚᕝᕕᖓᓄ ᐊᒻᒪᓗ ᐅᖃᕈᒪᓗᑎ ᑖᓂᐅᒥ, ᓄᓇᓐᖑᐊᓕᕆᔨᕗᑦ. ᐃᓕᔅᓯ ᐃᓪᓗᖓᑕ ᓈᓴᐅᑎᖓᓂ ᐱᔪᒪᓂᐊᑦᑐ ᐊᒻᒪᓗ ᑭᓱᒥ ᓅᑦᑎᖁᔨᒻᒪᖔᑉᐱ ᐃᓕᔅᓯ ᓴᓂᐊᓂ.
• ᐊᑭᖃᔾᔮᖏᑦᑐ ᓅᑎᑦᑕᐅᓂᐊᓪᓗᑎ ᓴᕕᕋᔭᐃᑦ.
• ᓂᕆᐅᑦᑐᒍ ᐱᓕᕆᖃᑎᖃᕆᐊᖓ ᓄᓇᕗᑦ ᒐᔭᒪᒃᑯᖏᓐᓂ ᐊᐅᓪᓚᑦᑎᒍᓐᓇᖁᓪᓗᒋᑦ ᑕᒫᓐᖓ ᓄᓇᓕᐅᔪᒥ.
6. ᐃᒡᓗᒥᓃᑦ ᐃᒡᓗᕋᓛᒥᓃᓪᓗ
• ᐃᒡᓗᒥᓂᖃᕈᕕᑦ ᐃᒡᓗᕋᓛᒥᓂᒻᒥᓘᓐᓂ ᐃᕝᕕ ᐊᑐᕈᓐᖐᑦᑕᖓᓂ ᓅᑦᑕᐅᖁᕈᕕᐅᓪᓗ, ᐅᖄᓚᔪᓐᓇᑦᑐᑎ ᑖᓂᐅᒧᑦ ᕼᐋᒻᒪᓚᒃᑯ ᐊᓪᓚᕝᕕᖓᓄ ᖃᐅᔨᒪᑎᓪᓗᒍᓗ ᓇᒦᒻᒪᖔ ᓅᑕᐅᖁᔭᐃᑦ.
7. ᕿᒥᕐᓗᒃᓕᕆᓂᕐᒥ ᐱᔨᑦᑎᕋᕐᓂᖅ
• ᑲᓇᑕᒥ ᕿᒥᕐᓗᓕᕆᓂᕐᒧ ᑲᑐᔾᔨᖃᑎᒌᑦ ᒫᓐᓇ ᓴᖅᑭᔮᑦᑎᑦᑎᕗ ᑲᓇᑕᓕᓛᒥᑦ ᐃᖅᑲᓇᐃᔭᑦᑎᑦᑎᓂᐊᓪᓗᑎ ᕿᒥᕐᓗᓕᕆᔨᒥᑦ ᐸᖕᓂᕐᑑᒧ.
• ᐸᖕᓂᕐᑑᖅ ᓯᕗᓪᓕᑉᐹᖑᓂᐊᑦᑐ ᓄᓇᕗᑦᒥ ᑕᒪᑐᒥᖓ ᐱᔨᑦᑎᕋᑦᑕᐅᓂᒻᒥᑦ.
8. ᕼᐋᒻᒪᓚᒃᑯ ᐊᐅᓚᓂᖓᑕ ᐊᓯᔾᔨᓐᓂᖏᑦ
• ᕼᐋᒻᒪᓚᒃᑯ ᑲᑎᒪᔨᖏᑦ ᕿᒥᕐᕈᐊᑦᑐᐃ ᐊᐅᓚᓂᕆᕙᑦᑕᖓᓂ ᕼᐋᒻᒪᓚᒃᑯ ᐱᔭᕆᐊᑭᔅᓯᕈᓐᓇᖁᓪᓗᒋ ᐊᐅᓚᔪᓐᓇᑦᑎᐊᖁᓪᓗᒋᓪᓗ ᐱᔨᑦᑎᕋᓐᓂᐅᕙᑦᑐ ᓄᓇᓕᐅᔪᒧᑦ.
• ᑐᕌᒐᒋᔪᒪᔭᕗᑦ ᐋᖅᑭᒋᐊᒃᑲᓂᓪᓗᒍ ᐱᔨᑦᑎᕋᓐᓂᕆᕙᑦᑕᕗᑦ.
• ᐃᓱᒪᔅᓴᔅᓯᐅᕈᑎᖃᕈᕕᑦ ᐅᕙᑦᑎᓐᓄ, ᐱᐅᔪ ᑎᑎᕋᕈᕕᒋᑦ ᑐᓂᓗᒍᓗ ᕌᓐᒧᑦ ᐅᕝᕙᓘᓐᓃ ᒨ ᑮᓇᐃᓐᓇᒃᒧ ᕼᐋᒻᒪᓚᒃᑯ ᐊᓪᓚᕝᕕᖓᓄᑦ