ᐅᒡᒍᐊᓐᓂᖅ
• ᕼᐋᒻᒪᓚᒃᑯ ᑲᑎᒪᔨᖏᑦ ᐃᑉᐱᒍᓱᑉᐳ ᐅᒡᒍᐊᓂᒻᒥᑦ ᓇᐅᑦᓚᒃ ᐃᓚᒌᓐᓄᑦ, ᐱᐊ ᐊᖕᒫᓕ ᐃᓚᒌᖏᓐᓄᓪᓗ ᔭᒐᐃᓚᐅᓐᓂᖏᓐᓄ ᓇᓪᓕᓐᓂᕆᔭᒥᓂᑦ ᐱᓇᓱᐊᕈᓯᐅᓚᐅᑦᑐᒥ.
• ᐃᓱᒪᖃᑎᒌᓐᓂᕗ ᐊᒻᒪᓗ ᑐᔅᓯᐊᓐᓂᕆᔭᕗ ᐃᓕᔅᓯᓃᑉᐳ.
• ᖁᔭᓐᓇᒦᕈᒪᔪᒍ ᓄᓇᓕᐅᔪᒥ ᐃᑲᔪᑦᑐᓐᓂᕆᓚᐅᑦᑕᖏᓐᓂ ᐃᓚᒌᖑᔪᓄᑦ.
ᑐᓚᑦᑕᕐᕕᒃ
• ᕼᐋᒻᒪᓚᒃᑯ ᑳᓐᑐᕋᑦᖓ ᓯᕗᓪᓕᑉᐹᖓᓂ ᓴᓇᔭᐅᑎᓪᓗᒍ ᑐᓚᑦᑕᕐᕕᔅᓴᖅ ᐱᔭᕇᓚᐅᑦᑐ ᐋᒐᔅᑦ 13ᖑᑎᓪᓗᒍ ᖄᖏᐅᑎᒐᓂ ᐊᒻᒪᓗ ᑮᓇᐅᔭᑦᑐᓗᐊᕋᓂ.
• ᑕᐅᐅᕐ ᐋᒃᑎᒃᑯ ᑳᓐᑐᕋᑦᖃᑦᑐ ᑐᖏᓕᐊᑕ ᓴᓇᔭᐅᓂᖓᓂ ᐱᓕᕆᐊᔅᓴᐅᔪᒥ. ᐃᓚᒋᔭᐅᔪ ᓴᓇᔭᐅᓗᓂ ᓄᑖ ᒪᓪᓕᓗᐊᔾᔭᐃᒃᑯᑎᔅᓴ ᐊᒻᒪᓗ ᐃᖅᑲᖓ ᒪᓂᖅᑲᓴᑦᑕᐅᑲᓐᓂᓪᓗᓂ ᑲᖏᑦᑐᐊᔾᔪᕈᓗᐊᓂ. ᑕᒪᓐᓇ ᐱᓕᕆᔭᐅᓂᖓ ᐱᔭᕇᑦᑕᐅᓚᐅᑦᑐ ᐊᒃᑑᐸ 9ᖑᑎᓪᓗᒍ.
• ᐱᓕᕆᔭᐅᔪᓕᒫᑦ ᒫᓐᓇ ᐱᔭᕇᑲᐃᓐᓇᑦᑐ ᑕᒫᓂ ᐅᑭᐊᔅᓵᒥᑦ. ᐱᓕᕆᐊᔅᓴᖅ ᐱᒋᐊᑦᑕᐅᑲᓐᓂᓛᒻᒥᔪ ᔫᓂᐅᑉ ᐱᒋᐊᓐᖓᓐᓂᖏᓐᓂ ᐊᕐᕌᒎᓛᑦᑐᒥ. ᓄᖅᑲᑦᑎᓚᐅᑦᑕᕗ ᐱᓕᕆᐊᔅᓴ ᑕᒫᓂ ᐊᕐᕌᒍᒻᒥ ᓯᓚᖓ ᓂᓪᓚᓱᓕᑦᑎᓪᓗᒍ ᖁᐊᕈᓐᓇᑎᑦᑎᓪᓗᓂ ᒪᓂᖅᑲᓴᑦᑕᐅᔪᔅᓴᒥ. ᒪᕐᕋᒻᒥ ᓯᕿᔭᖃᑦᑕᓕᓚᐅᑦᑐ ᖁᐊᑦᑐᓂᓗ ᐃᒐᓛᖏᓐᓄᑦ. ᑕᒪᓐᓇ ᐊᑲᐅᓐᖏᓕᐅᕈᑎᖃᓚᐅᑦᑐ ᐊᑦᑕᓇᑐᒦᓕᑦᑐᑎ ᐊᖁᑎᒋᔭᖏᑦ.
• ᐱᓕᕆᐊᔅᓴᖅ ᐃᖅᑲᓇᐃᔭᑦᑎᑦᑎᔪᓐᓇᓚᐅᑦᑐ ᓄᓇᓕᐅᔪᒥᑦ. ᑕᐃᒫᔅᓱᓕ ᓂᕆᐅᑦᑐᒍ ᑕᐃᒪᓐᓇᑎᒋ ᐃᖅᑲᓇᐃᔭᑦᑐᖃᓛᓐᖓ ᐊᕐᕌᒎᓛᑦᑐᒥ.
• ᐃᓕᓯᓂᐊᑦᑐᒍ ᐳᑦᑕᓯᐅᒻᒥ ᑐᓚᑦᑕᕐᕕᒻᒥ ᑲᖏᑦᑐᐊᔾᔪᕈᓗᐊᓄ ᐅᓪᓗᒋᓂᐊᑦᑕᑎᓐᓂ. ᐳᑦᑕᓯᐅ ᑐᓚᑦᑕᕐᕕᒃ ᐃᓕᔭᐅᓯᒪᓂᐊᑦᑐ ᐅᑭᐅᖑᓂᐊᑦᑐᒥ. ᑕᒪᓐᓇ ᖃᐅᔨᓴᕈᑕᐅᓂᐊᑦᑐ ᐳᑦᑕᓯᐅ ᑐᓚᑦᑕᕐᕕᒃ ᐃᓂᖓᓃᒍᓐᓇᒻᒪᖔ ᓯᑰᖃᑦᑎᓪᓗᒍ, ᐃᖏᕐᕋᓂᖃᑦᑎᓪᓗᒍ ᐊᒻᒪᓗ ᐊᓄᕆᓂᖃᑦᑎᓪᓗᒍ.
• ᖁᔭᓐᓇᒦᕈᒪᔭᕗᑦ ᑕᐅᐅᕐ ᐋᒃᑎᒃᑯ ᓂᕈᑐᓪᓕᕆᐊᑦᑎᑕᐅᓂᖓᓂ ᐊᒻᒪᓗ ᑐᑭᓕᐊᓕᑦᑎᑕᐅᓂᖓᓂ ᐊᑐᕆᐊᖅ ᑐᕌᖓᔪ ᐃᑳᕐᕕᒻᒧᑦ. ᑕᐅᐅᕐ ᐋᒃᑎᒃᑯ ᐱᓕᕆᓚᐅᑦᑐ ᑕᒪᑐᒥᖓ ᐊᑭᓕᑦᑕᐅᒐᑎ ᐱᔨᑦᑎᕈᒪᓪᓗᑎ ᓄᓇᓕᐅᔪᒧᑦ.
ᐅᕐᓱᐊᓗᖃᕐᕖᑦ
• ᐅᕐᓱᐊᓗᖃᕐᕕᐅᔪ ᐊᖏᓪᓕᒋᐊᑦᑕᐅᓚᐅᑦᑐ ᐊᒻᒪᓗ ᐊᑕᐅᓯ ᓄᑖ ᐅᕐᓱᐊᓗᒃᑯᕕᔅᓴᖅ ᐱᔭᕇᓕᑦᑐᓂ.
• ᐅᕐᓱᐊᓗᑦᑕᐅ ᐅᒥᐊᕐᔪᐊᖅ ᑎᑭᓛᑦᑐ ᑕᖅᑭᐅᑉ ᓄᓐᖑᖏᓐᓂᑦ ᐅᕐᓴᐃᔭᑦᑐᑲᓐᓂᓪᓗᓂ.
• ᐊᐅᔭᐅᓚᐅᑦᑐᒥ, ᐅᕐᓱᐊᓗᒃᑯᕕᒃ ᐲᔭᑦᑕᐅᓚᐅᑦᑐ ᖃᐅᓱᐃᑦᑐᖅᒥᑦ ᐊᒻᒪᓗ ᐊᐅᓪᓚᐅᔾᔭᐅᓪᓗᓂ ᒫᑐᕆᐊᒧᑦ.
• ᐊᐅᔭᐅᓛᑦᑐᒥ ᑖᓐᓇ ᐅᕐᓱᐊᓗᒃᑯᕕᒃ ᑎᑭᑎᑕᐅᓛᑦᑐ ᐸᖕᓂᕐᑑᒧᑦ ᐃᓚᓕᐅᑎᔭᐅᓗᓂᓗ ᐅᕐᓱᐊᓗᒃᑯᕕᒻᒧᑦ.
• ᐊᐅᔭᐅᓛᑦᑐᒥ, ᓴᓇᓛᑦᑐᒍ ᐅᕐᓴᕐᕕᔅᓴᐅᓂᐊᑦᑐᒥ ᖃᖓᑕᓯᐅᒃᑯᕕᒻᒥᑦ ᑕᐃᒪᐃᒻᒪ ᖃᖓᑕᓯᐅᑦ ᐅᕐᓴᒍᓐᓇᓛᓐᖓᑕ ᐅᕐᓱᑦᑕᐅᑎ ᓄᓇᓯᐅ ᐊᑐᑦᑕᐅᓐᖏᖔᓕᓪᓗᓂ.
ᐃᖅᑲᓇᐃᔭᑦᑏᑦ ᐊᓯᔾᔨᑦᑐᐃᑦ
• ᕼᐋᒻᒪᓚᒃᑯ ᖁᕕᐊᓱᑉᐳ ᑐᓐᖓᓱᑦᑎᑦᑎᒋᐊᖓ ᑐᕇᓇ ᖃᖅᑲᓯᖅᒥᑦ ᐅᑎᔅᓯᒪᓕᑦᑐ ᓄᓇᓕᐅᔪᒧᑦ ᐊᐅᓪᓚᔅᓯᒪᑎᓪᓗᒍ ᐊᕐᕌᒍᒻᒥᑦ. ᑐᕇᓇ ᐅᑎᑦᑐ ᐃᖅᑲᓇᐃᔮᒥᓄ ᑮᓇᐅᔭᓕᕆᔨᒧ ᐃᑲᔪᑦᑎᐅᓂᒻᒧᑦ.
• ᐳᕆᐊᓐᑕ ᐱᓕᐅ, ᑮᓇᐅᔭᓕᕆᔨᒃᑯ ᐊᖏᔪᖅᑳᖓ, ᐅᑎᔅᓯᒪᓕᒻᒥᔪ ᐊᐅᓪᓚᔅᓯᒪᓚᐅᑦᑎᓪᓗᒍ ᐋᓐᓂᐊᕕᒃᑯᑎᒍ. ᑐᓐᖓᓱᑦᑎᑉᐸᕗ ᐳᕆᐊᓐᑕ ᐅᑎᓐᓂᖓᓄ ᓄᓇᓕᐅᔪᒧᑦ.
• ᕌᓐ ᒫᓐᔫ, ᐊᓪᓚᑦᑎᒋᔭᕗᑦ, ᐊᐅᓪᓚᔅᓯᒪᓚᐅᒻᒥᔪ ᐋᓐᓂᐊᕕᒃᑯᑎᒍ ᐊᒻᒪᓗ ᐅᑎᔅᓯᒪᓕᑦᑐᓂ ᐃᖅᑲᓇᐃᔮᒥᓄᑦ.
• ᐋᓂ ᑎᐊᓚ ᐃᖅᑲᓇᐃᔭᓐᖑᓱᓕᑦᑐ ᐱᔨᑦᑎᔨᐅᓗᓂ ᐱᓕᕆᐊᔅᓴᐅᔪᓂᑦ ᐊᒻᒪᓗ ᖃᐅᔨᓴᑦᑎᐅᓗᓂ ᑮᓇᐅᔭᓕᕆᔭᐅᔪᓂᑦ.
• ᔨᒥ ᑮᓇᐃᓐᓇᒃ ᓄᑖ ᓄᓇᓯᐅᑎᖃᕐᕕᒻᒥ ᓱᓇᒃᑯᑖᓕᕆᔨᐅᓕᑦᑐ. ᑐᓐᖓᓱᑦᑎᑉᐸᕗ ᔨᒥ ᕼᐋᒻᒪᓚᒃᑯᓐᓄᑦ.
• ᓂᕆᐅᑦᑐᒍ ᐅᓪᓗᒥ ᐃᖅᑲᓇᐃᔮᑦᑖᑎᑦᑎᒋᐊᖓ ᕼᐋᒻᒪᓚᒃᑯ ᕗᐊᒪᓐᓴᖓᓂ.
ᒑᓯᔅᓴᓕᐅᕆᓂᖅ ᐃᑭᑦᑎᕕᒻᒥᑦ
• ᕼᐋᒻᒪᓚᒃᑯ ᐃᖅᑲᓇᐃᔭᑦᑎᖏᑦ ᑲᑎᖃᑎᖃᓚᐅᑦᑐ ᖃᐅᔨᓴᑦᑎᒥ ᑖᓐᓇ ᕿᒥᕐᕈᑦᑐ ᓇᓖᕌᒐᔅᓴᓂᑦ ᐊᑐᐃᓐᓇᐅᔪ ᐊᐅᓚᓂᕆᒐᔭᑦᑕᖓᓐᓂ ᐊᔅᓯᕕᒃ.
• ᕼᐋᒻᒪᓚᒃᑯ ᑲᑎᒪᔨᖏ ᐱᓇᓱᒍᒪᓯᒪᔪᑦ ᒑᓯᔅᓴᓕᐅᕆᔪᓐᓇᑦᑐᒥ ᐃᑭᑦᑎᕕᔅᓴᒥᑦ ᐅᑯᓂᖓ ᐱᔪᓐᓇᑎᑦᑎᓗᓂ:
-ᐃᑭᑦᑎᒍᓐᓇᓪᓗᓂ ᐃᒋᑕᐅᔪᓂᑦ
-ᐆᓇᓐᓂᖓ ᐊᑐᑦᑕᐅᓗᓂ ᐅᖅᑰᓴᐅᑎᒋᔭᐅᓗᓂ ᐃᒡᓗᐸᓐᓄᑦ
-ᒥᑭᓪᓕᒋᐊᓪᓗᒍ ᐊᔅᓯᕕᒋᔭᕗᑦ.
• ᕼᐋᒻᒪᓚᒃᑯ ᐃᑲᔪᑦᑕᐅᓂᐊᓐᓇᕋᔅᓯᒪᔪ ᓄᓇᕗᑦ ᒐᕙᒪᒃᑯᖏᓐᓂ ᑕᒪᓐᓇ ᐃᓱᒫᓘᑕᐅᔪ ᑐᐊᕕᓐᓇᑦᑐᒥ ᐱᓕᕆᔭᐅᓂᐊᓪᓗᓂ.
• ᐊᑐᕈᒪᓯᒪᔭᕗ ᐃᑭᑦᑎᕕᔅᓴ ᐋᖅᑭᔅᓯᒪᓕᓪᓗᓂ ᐊᕐᕌᒎᓛᑦᑐᒥ.
ᒥᕝᕕᒃ ᒪᓂᖅᑲᓴᑦᑕᐅᓂᖓ
• ᒐᕙᒪᑐᖃᒃᑯ ᐊᒻᒪᓗ ᓄᓇᕗᑦ ᒐᕙᒪᒃᑯᖏᑦ ᑐᓂᓯᓯᒪᕗᑦ $1.2 ᒥᓕᐊᓐ ᑖᓚᓂᑦ ᒪᓂᖅᑲᓴᑦᑕᐅᓂᐊᓪᓗᓂ ᒥᕝᕕᒃ ᐊᕐᕌᒎᓛᑦᑐᒥ.
• ᑕᒪᓐᓇ ᐱᓕᕆᐊᔅᓴᖅ ᐃᓚᖃᓐᓂᐊᑦᑐ ᑎᓯᓪᓕᑎᑦᑕᐅᓗᓂ ᒪᓂᕋᖓ, ᑲᑎᓐᖓᓕᓪᓗᑎ ᒪᓂᕋᖓ ᒥᕝᕕᒃᒥᑦ. ᑕᒪᓐᓇ ᐊᑑᑎᖃᓐᓂᐊᑦᑐ ᐸᖕᓂᕐᑑᒥᐅᓄᑦ ᐳᔪᕈᓗᐊᓐᖏᓂᔅᓴᐅᓕᓪᓗᓂ ᑎᑭᑦᑐᖃᕋᐃᑉᐸ ᖃᖓᑦᑕᑦᑐᖃᕋᐃᑉᐸᓪᓗ ᖃᖓᑕᓯᐅᓐᓂᑦ.
• ᐅᔭᕋᓛᔅᓴᖃᓕᕇᑦᑐ ᑖᓐᓇ ᐱᓕᕆᐊᔅᓴᖅ ᐊᒻᒪᓗ ᐱᓕᕆᔭᐅᓛᑦᑐᓂ ᐊᕐᕌᒎᓛᑦᑐᒥ.
ᐃᓐᓇᒻᒪᕆᓐᓄᑦ ᐃᖏᕐᕋᔾᔪᑎ
• ᐊᕐᕌᓂ ᕼᐋᒻᒪᓚᒃᑯ ᓂᐅᕕᓚᐅᑦᑐ ᐹᓯᒥᑦ ᐅᓯᔪᓐᓇᑦᑐᒥ ᐱᒡᒐᑦᑐᓄᑦ.
• ᐹᓯ ᓂᐅᕕᐊᕆᔭᐅᓚᐅᑦᑐ ᑮᓇᐅᔭᖃᑦᑎᑕᐅᓪᓗᓂ ᕿᑭᑦᑕᓂᒃᑯᓐᓂᑦ.
• ᖃᓄᑦᑑᓕᑦᑐᒍ ᓇᓖᕌᒐᔅᓴᓂᑦ ᖃᓄ ᐱᔨᑦᑎᑦᑕᐅᓂᐊᒻᒪᖔ ᐹᓯ.
• ᐊᓪᓚᑦᑎ ᑲᑎᒪᖃᑎᖃᓐᓂᐊᑦᑐ ᐃᓅᓱᑦᑐ ᑲᑎᒪᔨᖏᓐᓂᑦ ᖃᐅᔨᓴᓪᓗᑎ ᐱᔨᑦᑎᕈᓐᓇᒻᒪᖔᑕ ᐹᓯᒥ ᐱᓕᕆᖃᑎᖃᓪᓗᑎ ᕼᐋᒻᒪᓚᒃᑯᓐᓂᑦ
ᓴᓐᖏᓐᓂᐅᔪᖅ
• ᑲᔪᓯᓂᖃᑦᑎᐊᓪᓚᕆᓚᐅᑦᑐ ᓴᓐᖏᓐᓂᐅᔪᖅ ᐱᓇᓱᐊᕈᓯᐅᓚᐅᑦᑐᒥ.
• ᕼᐋᒻᒪᓚᒃᑯ ᑲᑎᒪᔨᖏᑦ ᖁᔭᓐᓇᒦᕈᒪᔪᑦ ᐃᓕᓴᐃᔨᓕᒫᓂᑦ, ᐃᓕᓐᓂᐊᑦᑎᓂᑦ ᐊᒻᒪᓗ ᐊᓯᖏ ᐱᖃᑕᐅᓚᐅᑦᑐᓂᑦ ᐱᓕᕆᔪᓐᓇᓚᐅᑦᑕᖏᓐᓄᑦ.
• ᐊᔅᓱᕉᑎᒋᓚᐅᑦᑕᓯ ᐱᓕᕆᐊᓯ ᐱᕚᓪᓕᑎᑦᑎᓚᐅᓐᖓ ᓄᓇᓕᒋᔭᑦᑎᓐᓄᑦ.
ᐅᓇ ᓇᓗᓇᐃᒋᐊᕈᑎ ᐃᓄᑦᑎᑑᓕᑦᑎᑕᐅᓂᐊᑦᑐ ᐊᒻᒪᓗ ᐊᑐᐃᓐᓇᕈᑦᑎᑕᐅᓗᓂ ᑎᑎᖅᑲᓂᐊᕐᕕᒻᒥᑦ ᐊᒻᒪᓗ ᖃᕋᓴᐅᔭᑎᒍ ᐳᓚᕋᕝᕕᒋᔭᑦᑎᓐᓄᑦ.