Skip to main content

ᒪᐃᔭᐅᑉ ᓇᓗᓇᐃᒋᐊᕈᑎᖏᑦ ᓅᕕᐊᒻᐸ 2, 2010

ᐃᓅᓱᑦᑐᒃᑯᕕᒃᒧ ᑮᓇᐅᔭᕐᑖᕈᑏᑦ

• ᕼᐋᒻᒪᓚᒃᑯ ᑲᑎᒪᔨᖏᑦ ᖁᕕᐊᓱᑉᐳ ᓇᓗᓇᐃᕐᓯᒋᐊᖓ ᐱᓚᐅᕋᑦᑕ ᐊᑯᓂᐅᓂᐊᑦᑐᒧ ᑮᓇᐅᔭᖃᑦᑎᑕᐅᓂᐊᓐᖓᓂᖓᓄ ᐊᐅᓚᓂᖏᓐᓄ ᐃᓅᓱᑦᑐᒃᑯᕕᒃᒥ.
• ᑕᕝᕘᓇ ᐃᓅᓱᑦᑐᓄ ᐊᑲᐅᓂᔅᓴᒃᑰᑦᑎᑕᐅᓂᒻᒧ ᐊᒻᒪᓗ ᐊᑐᓐᖏᖔᓕᑦᑎᑕᐅᓂᒻᒧ ᑐᕌᑦᑕᕐᕕᒃ ᐱᓕᕆᐊᔅᓴᒥ ᑐᓂᓯᔭᐅᓯᒪᔪᒍ $1,640,418.00ᓂ ᑮᓇᐅᔭᑦᑐᕈᑎᔅᓴᖃᑦᑎᓂᐊᓪᓗᒍ ᓴᖅᑭᔮᑦᑎᑕᐅᔪᖅ 2010ᒥ 2015ᒧ.
• ᑮᓇᐅᔭᐃᑦ ᐊᑐᑦᑕᐅᓂᐊᑦᑐ ᐊᐅᓚᑦᑎᕈᑕᐅᓗᑎ ᐱᓕᕆᐊᔅᓴᓂᑦ ᑐᕌᖓᓗᑎ ᐃᓅᓱᑦᑐᓄ ᐊᕐᕌᖑᓕᓐᓂ 9ᒥ 23ᒧ.
• ᕼᐋᒻᒪᓚᒃᑯ ᖁᔭᓐᓇᒦᕈᒪᔪ ᑯᕆᔅ ᕼᐊᐃᑦᒥ ᐊᔅᓱᕈᑦᑐᓂ ᐱᓕᕆᓂᕆᓚᐅᑦᑕᖓᓄ ᓴᖅᑭᑎᑦᑐᓂᐅ ᐅᓇ ᐱᓕᕆᐊᔅᓴᖅ.

ᐊᑦᑕᓇᑦᑕᐃᔪᓕᕆᔨᒃᑯ ᑲᑎᒪᔨᕋᓛᖏᑦ

• ᑐᖏᓕᖓ ᒪᐃᔭ ᑕᐃᕕᑦ ᑰᓂᓘᓯ ᐃᓕᔭᐅᓚᐅᑦᑐ ᐃᒃᓯᕙᐅᑕᐅᓂᒻᒧ ᕼᐋᒻᒪᓚᒃᑯ ᐊᑦᑕᓇᑦᑕᐃᔪᓕᕆᔨᒃᑯ ᑲᑎᒪᔨᕋᓛᖏᓐᓄᑦ.
• ᑖᒃᑯᐊ ᑲᑎᒪᔨᕋᓛᑦ ᐅᖃᐅᔾᔪᐃᕙᑦᑐ ᑲᑎᒪᔨᓄ ᐸᐃᓛᓄᑦ, ᐊᑐᕆᐊᓐᓄᑦ, ᐊᖅᑯᑎᓄ ᓇᓗᓇᐃᒃᑯᑕᓐᓄᑦ, ᐃᖏᕐᕋᔪᓕᕆᓂᒃᑯ ᐊᑦᑕᓇᑦᑕᐃᔪᓕᕆᓂᒻᒧᑦ ᐊᒻᒪᓗ ᐊᓯᖏ ᐊᑦᑕᓇᑦᑕᐃᔪᓕᕆᓂᒻᒧ ᐃᓱᒫᓘᑏᑦ.

ᐃᑭᑦᑎᕕᒃ ᒑᓯᔅᓴᓕᐅᕆᔪᓐᓇᑦᑐ

• ᐱᓇᓱᐊᕈᓯᐅᓚᐅᑦᑐᒥ ᒪᐃᔭ, ᐊᓪᓚᑦᑎ ᐊᒻᒪᓗ ᒪᓕᒐᓕᐅᑦᑎᒋᔭᕗ ᑲᑎᒪᖃᑎᖃᓚᐅᑦᑐ ᐊᕕᑦᑐᔅᓯᒪᔪᓄ ᓴᓇᔨᐅᔪᓂ ᑲᒪᒋᔭᖃᑦᑐᐃ ᓄᓇᕗᑦ ᒐᕙᒪᒃᑯᖏᓐᓄ ᖃᐅᔨᓴᑦᑐᐃ ᐃᑭᑦᑎᕕᓕᕆᓂᒻᒥ ᒑᓯᔅᓴᓕᐅᕆᔪᓐᓇᑦᑐᒥ.
• ᐊᖏᖃᑎᒌᕈᑎᖃᓚᐅᑦᑐᒍ ᓴᓇᔨᐅᔪᓂ ᐅᑯᓂᖓ:

-ᒫᓐᓇ ᖃᐅᔨᓴᕈᑕᐅᔪ ᐃᑭᑦᑎᕕᓕᕆᓂᖅ ᐱᔭᕆᑦᑕᐅᑉᐸ, ᐊᕕᑦᑐᔅᓯᒪᔪᓄ ᓴᓇᔨᐅᔪᐃᑦ ᐸᖕᓂᕐᑑᓕᐊᓛᑦᑐᐃ ᐅᖃᐅᓯᖃᕆᐊᑦᑐᓪᓗᑎ ᓇᓖᕌᒐᔅᓴᓂᑦ ᓄᓇᓕᐅᔪᒧᑦ.
-ᓂᕆᐅᑦᑐᒍ ᐳᓛᕆᐊᓐᓂᐅᓛᑦᑐ ᑕᒫᓂᒃᑲᔭᓐᖓ ᔮᓐᐅᐊᕆ 2011ᒥ.
-ᓇᓗᓇᐃᔭᑦᑎᐊᓚᐅᑦᑕᕗ ᓴᓇᔨᒃᑯ ᑖᒃᑯᐊ ᕼᐋᒻᒪᓚᒃᑯ ᐸᖕᓂᕐᑑᒥ ᐊᖏᔅᓯᒪᓂᖃᓐᖓᑕ ᐊᒃᓯᕕᓕᕆᓂᐅᔪᒧ ᐊᑲᐅᓐᖏᓕᐅᕈᑎᒋᔭᕗ ᐋᖅᑭᒋᐊᕈᑎᖃᕈᒪᒐᑦᑎᒍ ᐊᐅᔭᐅᓛᑦᑐᒥ.

ᓄᑖ ᕼᐋᒻᒪᓚᒃᑯ ᕗᐊᒪᓐᖓ

• ᕼᐋᒻᓚᑦᑯ ᖁᕕᐊᓱᑉᐳ ᓇᓗᓇᐃᕐᓯᒋᐊᖓ ᐃᖅᑲᓇᐃᔮᑦᑖᑎᑦᑎᒐᑦᑕ ᓄᑖ ᕼᐋᒻᓚᑦ ᕗᐊᒪᓐᒥ.
• ᐊᑎᖓ ᒋᐅᐳᑦ ᐃᐊᕙᓐᔅ ᐊᒻᒪᓗ ᕗᐊᒪᓐᖑᓚᐅᔅᓯᒪᓪᓗᓂ ᕿᑭᕐᑕᖅᔪᐊᖅᒥ 2000ᒥ 2008ᒧ.
• ᓂᕆᐅᑦᑐᒍ ᒋᐅᐳᑦ ᐊᒻᒪᓗ ᓗᓕᐊᖓ ᑕᒪᐅᓐᖓᓛᓐᖓᑎ ᓅᕕᐊᒻᐸ 15ᒥ.

ᐊᖏᕐᕌᑎᑦᑎᓂᐅᔪᒧ ᐸᐃᓛ

• ᒪᕐᕉ ᐱᓇᓱᐊᕈᓯᐅᓚᐅᑦᑑᓐᓂ ᒪᐃᔭ ᐊᒻᒪᓗ ᐊᓪᓚᑦᑎ ᑲᑎᒪᖃᑕᐅᓚᐅᑦᑑ ᑲᑐᔾᔨᖃᑎᒌᖑᔪᓄ ᑲᑎᒪᔨᕋᓛᖏ ᑲᑎᒪᑎᓪᓗᒋ.
• ᑲᑎᒪᔨᕋᓛᑦ ᐊᑐᓕᖁᔨᓚᐅᑦᑐ ᑕᒃᑯᐊ ᕼᐋᒻᒪᓚᒃᑯ ᑲᑎᒪᔨᖏᑦ ᒪᓕᒐᕈᑦᑎᑦᑎᔪᔅᓴᐅᕗ ᐊᖏᕐᕌᑎᑦᑎᓐᒻᒧ ᐸᐃᓛᒥ ᓄᓇᓕᐅᔪᒧᑦ.
• ᐃᑉᐱᒋᔭᐅᓚᐅᑦᑐ ᐊᒥᓲᓗᐊᑦᑐ ᑲᒪᒋᔭᐅᓐᖏᑦᑐ ᓱᕈᓰᑦ ᑕᒫᓂᖅᑭᓗᐊᖃᑦᑕᓐᖓᑕ ᐅᓐᓅᑦᑎᓪᓗᒍ ᐊᒻᒪᓗ ᐊᑲᐃᓪᓕᐅᕈᑎᓕᐅᑉᐸᑦᑐᑎ ᓱᕋᑦᑎᕆᖃᑦᑕᑦᑐᑎ ᐃᓵᔅᓴᖃᑦᑕᑦᑐᑎᓪᓗ.
• ᕼᐋᒻᒪᓚᒃᑯ ᑲᑎᒪᔨᖏᑦ ᑲᒪᒋᔭᖃᓐᓂᐊᑦᑐ ᑕᒪᑐᒥᖓ ᐃᓱᒫᓘᑕᐅᔪᒥ ᑲᑎᒪᒃᑲᓐᓂᓕᖅᑲᑕ ᓅᕕᐊᒻᐸ 8ᒥ.
• ᓄᓇᓕᐅᔪ ᖃᐅᔨᒪᑎᒋᐊᖃᑦᑕᓂᐊᑦᑕᕗ ᑕᒪᑐᒥᖓ ᐃᓱᒫᓘᑕᐅᔪᒥ.

ᒥᕝᕕᒃ ᐊᕙᓗᓕᑦᑐᑦᑕᐅᓂᖅ

• ᑎᓴᒪ ᑕᖅᑭᓂ ᐅᖃᐅᓯᕆᖃᑦᑕᓚᐅᑦᑎᓪᓗᒍ ᓄᓇᕗᑦ ᒥᕝᕕᓕᕆᔨᒃᑯᖏᓐᓄ, ᑐᓂᓯᔭᐅᓕᑕᐃᓐᓇᓚᐅᑦᑐᒍ ᑮᓇᐅᔭᑦᑐᕈᑎᔅᓴᓂ ᓴᓇᒋᐊᕈᓐᓇᓪᓗᒍ ᒥᕝᕕᐅᑉ ᐊᕙᓗᖓ ᐆᒪᔪᓐᓂᐊᑎᒃᑯ ᑯᐊᐸᒃᑯᓪᓗ ᐅᖓᑖᓃᑦᑐ.
• ᓴᓇᔭᐅᒋᐊᓐᓂᖓ ᐱᒋᐊᔅᓯᒪᓕᑦᑐ ᐊᒻᒪᓗ ᓂᕆᐅᑦᑐᒍ ᐱᔭᕇᑦᑕᐅᔪᓐᓇᕆᐊᖓ ᐱᓇᓱᐊᕈᓰᒃ ᒪᕐᕉᓐᓂ.

ᐊᑐᕆᐊᓐᓄᑦ ᖃᐅᒻᒪᖅᑯᑏᑦ

• ᐊᒥᓱ ᐊᑐᕆᐊᓐᓄ ᖃᐅᒻᒪᖅᑯᑏᑦ ᐱᔪᓐᓇᖏᑦᑐᐃ ᐅᐱᓐᓇᕋᓂ ᓱᕋᑦᑎᑦᑕᐅᖃᑦᑕᔅᓯᒪᔪ ᖁᑭᐅᑎᓐᖑᐊ ᐲᐲᒐᓐᔅᓄ.
• ᕼᐋᒻᒪᓚᒃᑯ ᐊᐱᕆᔪ ᐊᖏᔪᖅᑳᖑᔪᓄ ᐅᖃᖃᑎᖃᓪᓗᑎ ᓱᕈᓯᖏᓐᓂ ᑕᒪᑐᒪᐅᑉ ᒥᔅᓵᓄ ᐊᒻᒪᓗ ᓇᓗᓇᐃᓪᓗᒍ ᖃᓄ ᐊᑦᑕᓇᑎᒋᔪᓐᓇᒻᒪᖔ ᖃᐅᒻᒪᖅᑯᑏᑦ ᖁᑭᐊᔭᐅᑎᓪᓗᒋ ᐊᒻᒪᓗ ᖃᓄ ᐊᑭᑐᔫᒻᒪᖔ ᕼᐋᒻᒪᓚᒃᑯᓐᓄ ᐊᓯᔾᔨᑦᑕᐅᓂᐊᓪᓗᑎ ᖃᐅᒻᒪᖅᑯᑏᑦ.

ᐅᓇ ᓇᓗᓇᐃᒋᐊᕈᑎ ᐃᓄᑦᑎᑑᓕᑦᑎᑕᐅᓂᐊᑦᑐ ᐊᑐᐃᓐᓇᕈᑦᑎᑕᐅᓗᓂᓗ ᑎᑎᖅᑲᓂᐊᕐᕕᑯᑎᒍ ᐊᒻᒪᓗ ᐅᕙᒍ ᖃᕋᓴᐅᔭᑎᒍ ᑐᕌᑦᑕᕕᑦᑎᒍ.