ᐊᒥᓱ ᐳᓚᕋᑦᑏᑦ ᐸᖕᓂᕐᑑᓕᐊᑦᑐᐃ ᑎᑭᑉᐸᑦᑐ ᑕᒪᐅᖓ ᐳᓛᕆᐊᑦᑐᑎ ᑲᔾᔮᓇᒻᒪᕆᑦᑐ ᐊᐅᔪᐃᑦᑐᖅ ᒥᕐᖑᐃᓯᕐᕕᒃᒥ. ᐊᐅᔪᐃᑦᑐᖅ ᒥᕐᖑᐃᓯᕐᕕᒃ 30 ᑭᓛᒥᑕᒥ ᐅᖓᓯᓐᓂᖃᕈᔪᑦᑐ ᐅᒥᐊᒃᑯ ᐸᖕᓂᕐᑑᖅᒥ. ᐊᐅᓪᓚᑎᑦᑎᔩᑦ ᐃᖅᑲᓇᐃᔭᑦᑎᑕᐅᔪᓐᓇᑦᑐ ᐸᖕᓂᕐᑑᖅᒥ ᑐᑭᓯᒋᐊᓪᓗᑎ ᐊᖕᒫᓕᒃ ᐳᓚᕋᑦᑎᓄ ᑐᕌᑦᑕᕐᕕᒃᒧ.
ᐳᓚᕋᑦᑎᓕᒫᕈᔪᐃ ᓂᕈᐊᑉᐸᑦᑐ ᐊᒃᓵᔫᑉ ᐊᖅᑯᑎᖓᓂ ᐱᓱᒋᐊᑦᑐᑦᑐᑎ, ᓯᐊᕐᕆᔮᑯᑖᕆᐊᑦᑐᑦᑐᑎ ᐅᕝᕙᓪᓗᓐᓃ ᒪᔪᕋᕆᐊᑦᑐᑦᑐᑎ ᒥᕐᖑᐃᓯᕐᕕᒃᒧ. ᐊᒃᓵᔪᒃ ᐊᖅᑯᑎ ᐊᑦᑎᑦᑕᐅᓯᒪᔪ ᓄᓇᓕᐅᔫᑉ ᐃᓐᓇᒻᒪᕆᖓᓂ ᐸᖕᓂᕐᑑᖅᒥᐅᑕᖅᒥ.
ᐅᐸᓐᓂᐊᓪᓗᒍ ᐊᐅᔪᐃᑦᑐᖅ ᒥᕐᖑᐃᓯᕐᕕᒃ, ᐱᒋᐊᕈᓐᓇᑦᑐᑎ ᐸᖕᓂᕐᑑᖅᒥ ᕿᑭᕐᑕᖅᔪᐊᖅᒥᓪᓘᓐᓃ. ᓇᒻᒥᓂ ᓇᓗᓇᐃᒋᐊᖃᑦᑐᑎ ᐊᒻᒪᓗ ᐃᓕᓐᓂᐊᑦᑎᑕᐅᑲᐃᓐᓇᕆᐊᖃᑦᑐᑎ ᐊᑦᑕᓇᑦᑕᐃᔪᓕᕆᓂᖅᒥ ᐅᐸᓚᐅᓐᖏᓂᓐᓂ ᒥᕐᖑᐃᓯᕐᕕᒃ. ᑕᒪᓐᓇ ᐱᓕᕆᔪᓐᓇᑦᑕᐃ ᑲᓇᑕᒥ ᒥᕐᖑᐃᓯᕐᕕᒃᑯ ᓄᓇᓕᐅᔪᒥ ᐊᓪᓚᕝᕕᖁᑎᖏᓐᓂ ᑕᒪᒃᑮ ᐸᖕᓂᕐᑑᖅᒥ ᕿᑭᕐᑕᖅᔪᐊᖅᒥᓪᓗ.
ᓄᓇᒦᓐᖔᔅᓯᒪᔪᐃ ᑮᓇᐅᔾᔭᓴᓇᓱᐊᕈᑏᑦ
ᐅᖃᐅᓯᖅ “ᐊᐅᔪᐃᑦᑐᖅ” ᐃᓄᒃᑎᑐᑦ ᐅᖃᐅᓯᐅᕗᖅ ᑐᑭᖃᑦᑐᓂ “ᓄᓇ ᐊᐅᓚᐅᔅᓯᒪᓐᖏᑦᑐ”.
ᐊᐅᔪᐃᑦᑐᖅ ᒥᕐᖑᐃᓯᕐᕕᒃ ᐊᖏᓂᖃᓕᑦᑐ ᑭᑉᐹᕆᑦᑐᕈᑦᑎᓪᓗᒍ 19,089 ᑭᓛᒥᑕᒥ ᐊᒻᒪᓗ ᐃᓗᐊᓃᑦᑐᐃᓐᓇᕈᔫᓪᓗᓂ ᐅᑭᐅᕐᑕᖅᑑᑉ ᑭᓪᓕᓐᖑᐊᖓᓂ. ᐃᓗᐊᓃᖃᑕᐅᔪ ᒥᕐᖑᐃᓯᕐᕕᒃᒥ ᐊᖏᓂᖃᑦᑐ ᑭᑉᐹᕆᑦᑐᕈᑦᑎᓪᓗᒍ 6,000 ᑭᓛᒥᑕᒥ ᐱᐊᓂ ᐊᐃᔅ ᑳᑉ ᐊᐅᔪᐃᑦᑑᑉ ᑭᔾᔨᖓ, ᓂᒋᐊᓃᑦᑐ ᐊᐅᔪᐃᑦᑐᒥᓂᐅᑉ ᓗᕆᐊᓐᓯᐊᓐ ᐊᐃᔅ ᑳᑉ ᑖᓐᓇ, 18,000 ᐊᕐᕌᒍᒋᓚᐅᑦᑕᖏᓐᓂ, ᐃᒧᓯᓯᒪᓚᐅᑦᑐ ᑲᓇᑕᓕᒫᕈᔪᒻᒥ ᑲᖏᐊᓂ ᕌᑭ ᖃᖅᑲᔾᔪᐊᖏᓐᓂ.
ᒥᕐᖑᐃᓯᕐᕕᐅᑉ ᐊᒥᐊᒃᑯᖓ ᓄᓇᐅᕗ ᓴᓇᓯᒪᔪ ᐊᐅᔪᑦᑐᕐᒧ ᓱᓕ ᐅᓪᓗᒥ ᓴᓇᕙᓪᓕᐊᔪ, ᐃᓚᖏ ᐊᖏᔫᑏᑦ ᒥᑭᔫᑎᐅᓪᓗᑎᓪᓗ ᐊᐅᔪᐃᑦᑐᐃᑦ ᑕᑉᐹᖔᑦᑐ ᐱᐊᓂ ᐊᐃᔅ ᑳᑉ ᑭᔾᔨᖓᓂ. ᓄᓇᐅᔪᐃᑦ ᒪᑯᐊᖃᐃ ᐃᑉᐱᒑᑦ, ᐃᓐᓈᕈᐃᑦ ᐊᒻᒪᓗ ᓯᕕᖓᔪ ᖃᖅᑲᐃᑦ, ᑕᒪᓐᓇ ᒥᕐᖑᐃᓯᕐᕕᒃᒥ ᐊᔾᔨᖃᓐᖏᑎᑦᑎᔪ ᐊᒻᒪᓗ ᑲᔾᔮᓇᑦᑎᑦᑎᔪ ᖃᖅᖃᖏᓐᓂ, ᐱᒋᐊᕈᑎᖃᓚᐅᔅᓯᒪᔪ ᖃᖅᑲᔾᔪᐊᑦ ᐊᐅᔪᐃᑦᑐᖏᓐᓂ.
ᓯᓚ
ᐊᐅᔪᐃᑦᑑᑉ ᓯᓚᖓ ᐱᒡᒐᓇᑦᑐ, ᖃᓄᐃᑦᑐᕈᓘᔭᐅᓪᓗᓂ ᐊᒻᒪᓗ ᐊᓯᔾᔨᓴᕋᐃᑦᑐᓂ. ᐊᑯᓂᐅᓯᐅ ᐃᒃᑮᓇᒻᒪᕆᑦᑐ ᐅᑭᐅᖏᑦ ᐅᓪᓗᑭᑦᑑᕙᑉᐳ, ᖃᓐᓂᐸᑦᑐᓂ ᐊᒻᒪᓗ ᐊᓄᕌᑦᑐᒻᒪᕆᐅᕙᑦᑐᓂ. ᐊᐅᔭᖏᑦ ᕿᓚᒥᑯᓘᑦᑐ, ᓯᓚᖓ ᖃᓄᐃᓗᐊᕋᓂ ᐊᒻᒪᓗ ᖃᐅᒪᐃᓐᓇᕈᔪᑉᐸᑦᑐᓂ.
ᖃᕋᓴᐅᔭᑎᒍ ᑐᕌᑦᑕᕐᕖᑦ
ᓇᕿᑦᑕᒃᑭ ᑐᕌᑦᑕᕐᕕᐅᔪ ᑐᑭᓯᒋᐊᕐᕕᒋᒃᑲᓂᓐᓂᐊᓪᓗᒋ ᒥᕐᖑᐃᓯᕐᕕᐅᑉ ᒥᔅᓵᓄ ᐅᕝᕙᓘᓐᓃ ᐊᐅᓪᓚᑎᑦᑎᔨᒧ ᑕᐃᑯᓐᖓᐅᔾᔭᐅᓂᐊᓪᓗᑎ ᒥᕐᖑᐃᓯᕐᕕᒃᒧᑦ.
» ᑲᓇᑕᒥ ᒥᕐᖑᐃᓯᕐᕕᒃᑯ ᖃᕋᓴᐅᔭᑎᒍ ᑐᕌᑦᑕᕐᕕᖓ ᐊᐅᔪᐃᑦᑐᖅ ᒥᕐᖑᐃᓯᕐᕕᒻᒧᑦ
» ᐊᖕᒫᓕᒃ ᐳᓚᕋᑦᑎᓄ ᑐᕌᑦᑕᕐᕕᒃ
