ᑐᓚᑦᑕᕐᕕᒃ

ᓄᓇᓕᐅᔪᒥ ᓇᓗᓇᐃᕐᓯᒋᐊᓐᓂᖅ
ᑐᓚᑦᑕᕐᕕᒃ
ᒪᐃ 10, 2010

ᓇᓗᓇᐃᓐᓃᑦ

• ᓴᓇᔭᐅᓂᖓ ᑐᓚᑦᑕᕕᔅᓴᖅ ᐱᒋᐊᓛᑦᑐ ᑕᒫᓂ ᔫᓂ 15ᒥ. ᐅᓪᓗᖓᑕ ᐱᒋᐊᓐᓂᖓ ᐱᒋᐊᕋᔭᑦᑐ ᑭᓯᐊᓂ ᒪᕐᕆᔮᑦᑕᕐᕕ ᐊᐅᔅᓯᒪᓕᕈᓂ.
• ᓯᕗᓪᓕᑉᐹᖓᓂ ᐊᕕᑦᑐᔅᓯᒪᓂᖓ ᐱᓕᕆᐊᖑᔫᑉ ᐊᒥᓲᓂᖃᑦᑐ $5.6 ᒥᓕᐊᓐ ᑖᓚᓂ ᐊᖏᕈᑕᐅᓯᒪᔪ. ᕼᐋᒻᒪᓚᒃᑯ ᐊᖏᕈᑎᒃᑯ ᑳᓐᑐᕋᑦᓖᑦ ᑕᐅᕗ ᐋᒃᑎᒃᑯᓐᓂ ᓴᓇᓂᐊᓪᓗᑎ. ᐅᓇ ᓯᕗᓪᓕᑉᐹᖓᓂ ᐊᕕᑦᑐᔅᓯᒪᓂᖓ ᐱᓕᕆᐊᖅ ᐃᓱᖃᓛᑦᑐ ᐋᒌᓯ 15ᒥ.
• ᐋᒌᓯ 16ᖑᓕᖅᑲ, ᑕᐅᕗ ᐋᒃᑎᒃᑯ ᐱᒋᐊᓛᑦᑐ ᑐᖏᓕᐊᓂ ᐊᕕᑦᑐᔅᓯᒪᓂᖓᑕ ᐱᓕᕆᐊᖑᔪᒥ. ᐅᓇ ᐱᓕᕆᐊᖅ ᐃᓱᖃᓛᑦᑐ ᑕᒫᓂ ᖁᐊᓕᖅᑲᑦ.

ᖃᓄᐃᓕᖓᓂᐊᖅᑲ ᑐᓚᑦᑕᕕᔅᓴ ᑕᒫᓂ ᐊᕐᕌᒍᒻᒥ?

• ᕿᔪᓕᑦᑐᓂᐊᑦᑕᕗ ᐊᕙᓗᔅᓴᖓ ᒪᓪᓕᓗᐊᑦᑕᐃᔾᔪᑎᖓᑕ ᑲᖏᐊᓄ. ᑕᒪᓐᓇ ᒪᕐᕋᔮᖓ ᖃᓗᕋᑦᑕᐅᓯᒪᔪ ᐃᓕᔭᐅᓛᑦᑐ ᓂᐅᔭᐅᖃᑦᑕᕕᔅᓴᖓᓄ.
• ᑕᒫᓂ ᐊᕐᕌᒍᒥ ᐃᓚᖓ ᒪᕐᕋᔮᖅ ᖃᓗᕋᓛᑦᑕᕗ ᐊᓯᐊᓂ ᐃᓗᐊᓃᑦᑐ ᑲᖏᑦᑐᐊᔾᔪᖓᑕ.
• ᒪᓂᖅᑲᓴᓪᓗᒍ ᓴᓇᓛᑦᑐᒍ ᒪᕐᕉ ᓄᑖ ᑐᓚᑦᑕᕖᓐᓂ ᒥᔅᓴᕐᕕᐅᑉ ᓯᔾᔭᖓᓂ. ᐊᐃᑉᐹ ᐊᑐᑦᑕᐅᓚᑦᑐ ᐅᓯᑲᑦᑕᓕᕆᓂᒻᒧ ᐊᒻᒪᓗ ᐊᐃᑉᐹ ᐊᑐᑦᑕᐅᓗᓂ ᓄᓇᓕᐅᔪᒧ.
• ᐅᑭᐊᔅᓵᖑᓕᖅᑲ ᐋᖅᑭᔅᓯᓚᒻᒥᔪᒍ ᐃᓚᖏᓐᓂ ᐳᑦᑕᓯᐅᓂ ᑐᓚᑦᑕᕕᔅᓴᓂ. ᐃᓕᔭᐅᓯᒪᑐᐃᓐᓇᓛᑦᑐ ᐅᑭᐅᖓᓂ ᖃᐅᔨᓴᓪᓗᒋ ᓱᕋᑦᑕᐃᓕᒍᓐᓇᓂᖏᓐᓂ ᓯᑯᒥ.
• ᓴᓇᔭᐅᓂᖓ ᐊᐃᑉᐹ ᒪᓪᓕᓗᐊᑦᑕᐃᔾᔪᑎᔅᓴ ᐱᒋᐊᑦᑕᐅᓛᑦᑐ ᑐᖏᓕᐊᓂ ᐊᕕᑦᑐᔅᓯᒪᓂᖓᑕ ᐱᓕᕆᐊᖑᔪᒥ ᐅᑭᐊᔅᓵᒥ.

ᐃᖏᕐᕋᓂᐅᔪᖅ ᐊᒻᒪᓗ ᓴᓇᓂᐅᔪᖅ

• ᐸᕐᓇᓯᒪᔪᒍ ᐱᓕᕆᐊᔅᓴᒥ ᐅᖃᒪᐃᑦᑑᑏ ᐃᖏᕐᕋᔾᔪᑏᑦ ᐊᒻᒪᓗ ᓈᕕᑦᑕᐅᑏᑦ ᐃᖏᕐᕋᔪᓐᓇᓛᓐᖓᑕ ᓄᓇᓕᐅᔫᑉ ᐊᑐᕆᐊᖏᓐᓂ.
• ᑭᓯᐊᓂᓕ ᖃᐅᔨᒪᒋᐊᑦᑕᐅᔪᔅᓴᐅᕗ ᓂᐱᖁᑦᑐᓛᓐᖓ ᐊᒻᒪᓗ ᐊᕝᕕᐊᕈᑎᖃᓪᓗᓂ ᑕᕝᕙᓐᖓ ᐊᖏᔪᒥ ᓴᓇᔭᐅᔪᒥ ᐱᓕᕆᐊᒻᒥᑦ.
• ᐅᓇ ᐱᓕᕆᐊᔅᓴᖅ ᐃᑲᕐᕋᖃᓐᓂᐊᑦᑐ ᑕᒫᓂ 2ᒥ-10ᒧ ᐃᑲᕐᕋᓂᑦ ᐃᖅᑲᓇᐃᔭᖃᑦᑕᓪᓗᑎ 7 ᐅᓪᓗᓂ ᐱᓇᓱᐊᕈᓯᓕᒫ ᔫᓂ 15ᒥ ᖁᐊᕋᓱᐊᓐᓂᖓᓄ.
• ᓈᕕᑦᑕᐅᑏᑦ ᐊᐅᓚᓂᖃᐃᓐᓇᓛᑦᑐ ᐅᔭᕋᑦᑕᕆᐊᓪᓗᑎ ᒪᕐᕋᔮᓂᓪᓗ ᒪᕐᕋᔮᑦᑕᕕᒻᒥ ᑐᓚᑦᑕᕕᔅᓴᒧᑦ.
• ᐅᖁᒪᐃᑦᑐ ᐃᖏᕐᕋᔾᔪᑏᑦ ᐊᐅᓚᓂᖃᓛᑦᑐ ᑐᓚᑦᑕᕕᔅᓴᒥ ᑎᓂᓐᖓᖃᑦᑕᑎᓪᓗᒍ ᐊᒻᒪᓗ ᐊᐅᓚᓂᖃᓛᒻᒥᔪ ᑕᒫᓂ ᐅᓕᓐᖓᑎᓪᓗᒍ.
• ᓈᕕᑦᑕᐅᑎᓕᒫᑦ ᓈᕕᑦᑕᐃᓛᑦᑐ ᓄᑖᒥ ᐊᑐᕆᐊᓕᐅᓪᓗᑎ ᑰᑉ ᐊᑭᐊᓂ ᐊᒻᒪᓗ ᓅᑕ ᐃᑳᕝᕕᓕᐅᓪᓗᑎ ᕼᐊᒻᒪᓚᒃᑯ ᐃᓕᓚᐅᑦᑕᖓᓂ ᐊᕐᕌᓂ.
• ᐃᓚᖓ ᐱᕕᑭᓐᓂᐊᑦᑐᒋᔭᐅᔪ ᐃᖏᕐᕋᖃᑦᑕᑎᓪᓗᒋ ᑖᕙᓂ ᒑᓯᑖᕐᕕᐅᑉ ᖃᓂᒋᔮᓂ. ᑕᒪᓐᓇ ᕿᒥᕐᕈᓂᐊᑦᑕᕗ ᖃᓄᑦᑑᓪᓗᒍ ᐊᑦᑕᓇᓗᐊᑦᑕᐃᓕᒪᑎᒐᓱᓪᓗᒍ.
• ᐱᒻᒪᕆᐅᔪ ᖃᐅᔨᒪᓗᒍ ᑖᒃᑯᐊ ᓈᕕᑦᑕᐅᑏᑦ ᐊᖏᔫᑕᐅᒻᒪᑕ ᐊᒻᒪᓗ ᐅᓯᒍᓐᓇᑦᑐᑎ ᐅᖁᒪᐃᓐᓂᖃᑦᑐᒥ 60 ᑕᓐᔅᓂ. ᐅᐱᓐᓇᕋᓂ ᑕᒪᓐᓇ ᐅᖁᒪᐃᓐᓂᖓ ᐱᔾᔪᑎᒋᓪᓗᒍ, ᓈᕕᑦᑕᐅᑏᑦ ᐅᖓᓯᓐᓂᔅᓴᒥ ᓄᖅᑲᒐᓱᓯᐅᑦ.
• ᐃᓕᓐᓄ ᐊᑦᑕᓇᑦᑕᐃᓕᒪᓂᖓ ᐱᒻᒪᕆᐅᕗᖅ ᓴᓇᔭᐅᑎᓪᓗᒍ ᑐᓚᑦᑕᕕᔅᓴ.
• ᐊᐱᕆᕙᕗ ᐊᖏᔪᖅᑳᓕᒫᑦ ᕿᑐᓐᖓᖏᓐᓂ ᑐᑭᓯᑎᑦᑎᓗᑎ ᐃᓱᒫᓘᑕᐅᔪᒥ. ᐱᒻᒪᕆᐅᕗ ᐊᑦᑕᓇᑦᑐᒦᑦᑕᐃᓕᑎᒐᓱᓪᓗᒋ ᓱᕈᓰᑦ ᐊᑐᕆᐊᒻᒦᖏᓪᓗᑎ ᓴᓇᔭᐅᔪᒦᓐᖏᓪᓗᑎᓪᓗ.
• ᕼᐋᒻᒪᓚᒃᑯ ᐃᓇᖏᔅᓯᕗ ᐃᓄᓕᒫᓂ ᖃᐅᔨᒪᒋᐊᓪᓗᑎ ᐊᑦᑕᓇᑦᑕᐃᓕᓂᒻᒥ ᐊᒻᒪᓗ ᑕᒫᓃᖏᓪᓗᑎ ᓴᓇᔭᐅᔪᓂ.

ᐊᑐᕈᓐᓇᓛᖅᑲᕌ ᑐᓚᑦᑕᕐᕕᒃ ᑕᒫᓂ ᐊᐅᔭᒥ?

• ᑐᓚᑦᑕᕐᕕᒃ ᒪᑐᓯᒪᓛᑦᑐ ᐃᓄᓕᒫᓄ ᑎᓂᓐᖓᑎᓪᓗᒍ ᑕᒫᓂ ᔫᓂᐅᑉ ᕿᑎᐊᓂ ᖁᐊᕋᓱᐊᓐᓂᖓᓄ.
• ᑐᓚᑦᑕᕐᕕᒃ ᐊᑐᕋᔅᓴᐅᓛᑦᑐ ᐃᓄᓐᓄ ᐅᓕᓐᖓᑎᓪᓗᒍ ᑭᓯᐊᓂᓕ ᐊᕝᕕᐊᕈᑎᑕᖃᓛᑦᑐ ᐊᒻᒪᓗ ᐅᖁᒪᐃᑦᑐ ᐃᖏᕐᕋᔾᔪᑏᑦ ᐊᐅᓚᓂᖃᓛᑦᑐ ᑕᒫᓂ.
• ᕼᐋᒻᒪᓚᒃᑯ ᐃᓇᖏᔅᓯᕗ ᐃᓐᓄᓂᑦ ᐊᓯᐊᓄ ᑭᓴᕝᕕᓕᐅᓪᓗᑎ ᓯᓚᑖᓂ ᑐᓚᑦᑕᕐᕕᐅᑉ ᓴᓇᔭᐅᑎᓪᓗᒍ ᑕᒪᓐᓇ.

ᐃᖅᑲᓇᐃᔮᑦ

• ᐅᓪᓗᒥᒧ 15ᓂ ᐅᖁᒪᐃᑦᑐ ᐃᖏᕐᕋᔾᔪᑎᓄ ᐊᖁᑎᑕᓖᑦ ᐃᖅᑲᓇᐃᔭᕈᒪᓪᓗᑎ ᐱᓕᕆᐊᔅᓴᒥ:

13 ᐸᖕᓂᕐᑐᒥᐅᑕᐃᑦ
ᐊᑕᐅᓯ ᑕᕝᕙᓐᖓ ᐃᖃᓗᓐᓂ ᐊᒻᒪᓗ ᕿᑭᑦᑕᕐᔪᐊᒥ

• ᐊᓯᖏᑦ ᐃᖅᑲᓇᐃᔮᔅᓴ ᐊᑐᐃᓐᓇᐅᔪ, ᐱᓗᐊᑦᑐᒥ ᐊᖁᑎᔅᓴᓂ. ᐱᓇᓱᒍᒪᒍᕕᑦ, ᖃᐅᔨᒃᑲᐃᒍᓐᓇᑦᑐᑎ ᕼᐋᒻᒪᓚᒃᑯᓐᓄ.
• ᓇᓗᓇᐃᔅᓯᓚᐅᓐᖏᑦᑐᒍ ᖃᑦᑎᓂ ᐃᑲᔪᑦᑎᔅᓴᖃᓐᓂᐊᒻᒪᖔᑕ ᐃᖅᑲᓇᐃᔭᕋᔭᑦᑐᓂ ᐱᓕᕆᐊᒻᒧ. ᐃᖅᑲᓇᐃᔭᕈᒪᑲᐃᓐᓇᓐᓂᕈᕕ, ᖃᐅᔨᒋᐊᕈᓐᓇᑦᑐᑎ ᕌᓂᑲᒧ ᕼᐋᒻᒪᓚᒃᑯ ᐊᓪᓚᕝᕕᖓᓂ ᑕᑕᑎᓪᓗᑎᓪᓗ ᐃᖅᑲᓇᐃᔮᔅᓴᒥ.

ᐃᓂᖃᑦᑎᑕᐅᓂᖅ

• ᓂᕆᐅᑦᑐᒍ ᐃᓂᖃᕈᒪᔪᖃᓐᓂᐊᓐᖓ ᐃᒡᓗᒥ ᓴᓇᔭᐅᑎᓪᓗᒍ ᐱᓕᕆᐊᖅ ᑕᒫᓂ ᐊᐅᔭᒥ ᐅᑭᐊᔅᓵᒥᓪᓗ.
• ᑐᔪᒻᒥᕕᕋᓛᖃᕈᕕ ᐅᕝᕙᓘᓐᓃ ᐊᓯᐊᓂ ᐃᓂᔅᓴᖃᕈᕕ ᐊᑐᑦᑕᐅᔪᓐᓇᕋᔭᑦᑐᒥ, ᖃᐅᔨᒋᐊᕈᓐᓇᑦᑕᐃ ᓯᒥᐅᓂ ᐊᒃᐸᓕᐊᓗᒃ ᕼᐋᒻᒪᓚᒃᑯ ᐊᓪᓚᕝᕕᖓᓂ.

ᓄᓇᓯᐅᑎᓂ ᐊᑐᑦᑐᐊᓐᓂᖅ

• ᓂᕆᐅᒻᒥᔪᒍᑦᑕᐅ ᐊᑐᑦᑐᐊᑦᑐᖃᕈᒪᒋᐊᖓ ᓄᓇᓯᐅᑎᓂ, ᐱᓲᑎᓂ ᐊᒻᒪᓗ ᐅᓯᑲᑦᑕᐅᑎᕋᓛᓂ.
• ᐊᑐᑦᑐᐊᑎᑦᑎᒍᒪᒍᕕ ᓄᓇᓯᐅᑎᒥ, ᖃᐅᔨᒋᐊᕈᓐᓇᑦᑐᑎ ᓯᒥᐅᓂ ᐊᒃᐸᓕᐊᓗᒻᒧ ᕼᐋᒻᒪᓚᒃᑯᓐᓂ.

ᕼᐋᒻᒪᓚᒃᑯ ᑲᑎᒪᔨᖏᑦ ᖃᐅᔨᒪᑎᑦᑎᒋᐊᕈᒪᕗ ᑐᓚᑦᑕᕕᔅᓴ ᓴᓇᔭᐅᓂᖓ ᑲᔪᓰᓐᓇᓐᖑᓱᒻᒪ ᐱᒋᐊᓪᓗᒍ ᔫᓂᐅᑉ ᕿᑎᐊᓂ ᖁᐊᕋᓱᐊᓐᓂᖓᓄ. ᖃᓗᓂᒫ ᐱᓕᕆᓇᓱᓐᓂᐊᑦᑐᒍ ᐊᑦᑕᓇᓗᐊᑦᑕᐃᓕᒪᑎᒐᓱᓪᓗᒍ ᐃᓄᓐᓄ ᓴᓇᔭᐅᓂᖓ.

ᐃᖅᑲᓇᐃᔭᑦᑎᕗ ᐱᔭᕇᕈᓯᐊᔅᓯᒪᔪ ᐱᔪᓐᓇᑦᑐᑎᓪᓗ ᐊᒻᒪᓗ ᖃᐅᑕᒫ ᐱᓇᓱᐊᕈᓯᑕᒫᓪᓗ ᑲᑎᒪᖃᑦᑕᓐᖑᓱᑦᑐ ᐊᑦᑕᓇᑦᑕᐃᓕᕆᓂᒻᒥ. ᐅᖁᒪᐃᑦᑐ ᐃᖏᕐᕋᔾᔪᑏᑦ ᐃᖏᕐᕋᓂᖏᑦ ᓴᓇᔭᐅᔫᑉ ᐊᑐᕆᐊᖓᓐᓂ ᐊᑦᑐᐃᓗᐊᑦᑕᐃᓕᒐᓱᓐᖑᓱᑦᑐ ᓄᓇᓕᐅᔪᒥ.

ᐃᑲᔪᑦᑕᐅᔪᒪᔪᒍ ᐃᓕᔅᓯᓐᓂ ᓇᓗᓇᐃᓪᓗᒍ ᓱᕈᓯᔅᓯᓐᓄ ᑐᑭᓯᓗᑎ ᐊᑦᑕᓇᓐᓂᖓ ᐱᓐᖑᐊᕐᕕᐅᒍᓂ ᓴᓇᔭᐅᔫᑉ ᖃᓂᒋᔮᓂ ᐊᒻᒪᓗ ᐃᓂᑦᑎᑦᑕᐅᓗᑎ ᖃᓂᔅᓴᓗᐊᓐᖏᓪᓗᑎ ᑐᓚᑦᑕᕕᔅᓴᒥ ᓴᓇᔭᐅᑎᓪᓗᒍ.

ᐅᓇ ᓇᓗᓇᐃᒋᐊᕈᑎ ᐃᓄᑦᑎᑑᓕᑦᑎᑕᐅᓂᐊᑦᑐ ᐊᒻᒪᓗ ᐃᓄᓖᒫ ᑐᓂᓯᔭᐅᓂᐊᑦᑐ ᐊᔾᔨᖓᓂ ᑎᑎᖅᑲᓂᐊᕝᕕᑯᑎᒍ.

ᐊᐱᖅᑯᑎᔅᓴᖃᕈᕕ ᐅᖃᐅᑎᔅᓴᖃᕈᕕᓪᓘᓐᓃ, ᖃᐅᔨᒋᐊᕈᓐᓇᑦᑐᑎ ᕼᐋᒻᒪᓚᒃᑯ ᐊᓪᓚᕝᕕᖓᓄ.