ᐃᒡᓗᓕᕆᓂᖅ

ᐸᖕᓂᕐᑑᖅ ᐃᒡᓗᓕᕆᔨᒃᑯ ᑲᑐᔾᔨᖃᑎᒌᑦ

ᐸᖕᓂᕐᑑᖅ ᐃᒡᓗᓕᕆᔨᒃᑯ ᐱᒋᐊᑦᑎᑕᐅᓚᐅᔅᓯᒪᕗ 1967ᒥ, ᑐᓂᓯᔭᐅᓪᓗᑎ ᐱᔪᓐᓇᓂᒻᒥᑦ, ᐊᐅᓚᓂᕆᔭᖏᓐᓂᑦ ᐊᒻᒪᓗ ᑲᒪᒋᔭᖃᓐᓂᖏᓐᓂᑦ ᐃᖏᕐᕋᓂᕆᔭᖓᓂ, ᐊᐅᓚᓂᕆᔭᖓᓂ ᐊᒻᒪᓗ ᐱᓯᒪᑦᑎᓂᕆᔭᖓᓂ ᐃᒡᓗᓕᕆᓂᒻᒧ ᐊᒻᒪᓗ ᓴᖅᑭᔮᑦᑎᑦᑎᓗᑎ ᓄᓇᕗᑦ ᐃᒡᓗᓕᕆᔨᔾᔪᐊᒃᑯ ᓴᖅᑭᔮᕋᔅᓴᖏᓐᓂ ᐃᒡᓗᓕᕆᓂᒻᒧ ᐊᒻᒪᓗ ᐃᒡᓗᓂ ᓇᒻᒥᓂᖃᓐᓂᐅᔪᒧ ᑖᒃᑯᓄᖓ ᓄᓇᓕᓐᓂᒥᐅᑕᓐᓄ; ᐃᑲᔪᓪᓗᒋᑦ ᐃᒡᓗᖃᑦᑑᔪ ᐱᔭᕆᐊᖃᑦᑕᖏᓐᓂ ᐃᒡᓗᓕᕆᓂᒻᒧ, ᐃᒡᓗᑖᑦᑎᑦᑎᖃᑦᑕᓪᓗᑎ ᒪᓕᓪᓗᑎ ᐃᒡᓗᓕᕆᔨᔾᔪᐊᒃᑯ ᐊᑐᐊᒐᖏᓐᓂ ᐊᒻᒪᓗ ᐱᓯᒪᓗᒋᑦ ᐃᒡᓗᐃᑦ ᐊᐅᓚᓂᕆᔭᕆᐊᖃᑦᑕᖏᓐᓄ ᓇᓗᓇᐃᕐᑕᐅᓯᒪᔪᐃᑦ ᐃᒡᓗᓕᕆᔨᒃᑯᓐᓂ.

ᐸᖕᓂᕐᑑᖅ ᐃᒡᓗᓕᕆᔨᒃᑯ ᑲᑐᔾᔨᖃᑎᒌᑦ, ᒪᓕᑦᑐᑎ ᑖᒃᑯᓂᖓ ᐱᓕᕆᐊᔅᓴᕆᔪᒪᔭᖏᓐᓂ, ᒫᓐᓇ ᑲᒪᒋᔭᖃᑦᑐ 259 ᑭᒃᑯᑐᐃᓐᓇᓐᓄ ᐃᒡᓗᓂ ᐊᒻᒪᓗ 61 ᐃᖅᑲᓇᐃᔭᑦᑎᓄ ᐃᒡᓗᓂ ᓄᓇᕗᑦ ᐃᒡᓗᓕᕆᔨᔾᔪᐊᒃᑯᖕᓐᓄ. 2010ᒥ ᐃᒡᓗᓕᕆᔨᔾᔪᐊᒃᑯ ᐃᒡᓗᓕᐅᓐᓂᐊᑦᑐ 24ᑲᓂᓐᓂ ᑭᒃᑯᑐᐃᓐᓇᓐᓄ ᐃᒡᓗᓂ ᐊᒻᒪᓗ 15ᑲᓂᓐᓂ 2011ᒥ.

ᑲᑐᔾᔨᖃᑎᒌᖑᔪ ᐊᐅᓚᕙᑦᑐ ᐊᑖᓃᑦᑐᓂ ᑲᑎᒪᔨᐅᔪᓄ ᐃᒪᐃᑦᑐᖃᑦᑐ ᐃᔅᓯᕙᐅᑕᖅ, ᑐᖏᓕᖓ ᐃᔅᓯᕙᐅᑕᖅ ᐊᒻᒪᓗ 7 ᑲᑎᒪᔩᑦ. ᐊᓪᓚᕝᕕᒃ ᑲᑐᔾᔨᖃᑎᒌᒃᑯᓐᓄ ᐃᓂᓕᒃ 814ᑏᒥ ᐃᒪᐃᑦᑐᖃᕆᓪᓗᓂ ᐃᒡᓗᓕᕆᓂᒻᒧ ᐊᖏᔪᖅᑳ, ᑮᓇᐅᔭᓕᕆᔨ, ᐃᖅᑲᓇᔭᑦᑎᓪᓚᕆ ᐊᒻᒪᓗ ᐃᖅᑲᓇᐃᔭᑦᑎᐅᑲᐃᓐᓇᑦᑐ ᐊᑐᑦᑐᐊᑦᑐᓕᕆᔩᒃ, ᑭᐅᔨ ᐊᒻᒪᓗ ᐃᖅᑲᓇᐃᔭᑦᑎᐅᑲᐃᓐᓇᑦᑐ ᐱᕈᓇᔅᓴᐅᔨ. ᓴᓇᔪᓕᕆᓂᒻᒧ ᐃᖅᑲᓇᐃᔭᑦᑎᖏ ᐃᒪᐃᑦᑐᓖᑦ ᓴᓇᔪᓕᕆᓂᒻᒧ ᐊᖏᔪᖅᑳ, ᒪᕐᕉ ᕿᔪᓕᕆᔩᒃ, ᒪᕐᕉ ᐃᒐᓕᕆᔩᒃ, ᐱᖓᓱ ᓴᓇᔩᑦ, ᓴᓇᔪᓕᕆᓂᒻᒧ ᐊᓪᓚᑦᑎ ᐊᐅᓚᓂᖏᓐᓄ ᐱᔨᑦᑎᔨ, ᐊᒻᒪᓗ ᒪᕐᕉ ᐃᖅᑲᓇᐃᔭᑦᑎᐅᑲᐃᓐᓇᑦᑑ ᐊᒥᐊᕆᔩᒃ. ᓴᓇᔪᓕᕆᔨᒃᑯ ᓴᓇᕕᖓ ᐃᓂᓕᒃ 400ᒥ ᖃᖓᑕᓯᐅᒃᑯᕕᐅᑉ ᖃᓂᒋᔮᓃᑦᑐ. ᐃᖅᑲᓇᐃᔭᑦᑎᖏᑦ ᐃᓚᒋᔭᐅᕗ ᑲᓇᑕᒥ ᒐᕙᒪᒃᑯ ᐃᖅᑲᓇᐃᔭᑦᑎᖏᑕ ᑲᑐᔾᔨᖃᑎᒌᖏᓐᓄ ᐊᒻᒪᓗ ᐊᐅᓚᓪᓗᑎ ᐊᑕᐅᑦᑎᒃᑰᑦᑕᐅᓯᒪᔪᑦᑎᒍ ᐊᖏᕈᑎᐅᔪᒥ ᐅᑯᓂᖓ ᐸᖕᓂᕐᑑᖅ ᐃᒡᓗᓕᕆᔨᒃᑯ ᑲᑐᔾᔨᖃᑎᒌᖏᓐᓄ.

ᑕᐃᒫᑦᑕᐅ ᐅᑭᐅᑦᑕᕐᑐᒥ, ᐃᒡᓗᐃᑦ ᓴᓇᔭᐅᕙᑦᑐ ᓄᓇᐅᑉ ᖄᖓᓂ. ᐃᓚᖏᑦ ᖃᐃᔅᓱᒨᑉᐸᑦᑐ. ᐃᒡᓗᐃᑦ ᖁᕝᕙᕆᐊᑦᑕᐅᓯᒪᕙᑦᑐ ᐊᑦᑐᐊᖁᓇᒋ ᖁᐊᖑᔪᒧᑦ.