1. ᐃᓅᓱᓱᑦᑐᓄ ᓇᒻᒥᖃᑦᑐᓕᕆᓂᐅᔪᒧᑦ ᑐᕌᑦᑕᕐᕕᒃ
• ᑮᓇᐅᔭᑦᑐᕈᑎᔅᓴᓂ ᑐᓂᓯᔭᐅᓚᐅᑦᑐᒍ ᑳᓄᐊᑦᕼᑯᓐᓂᑦ ᖃᐅᔨᓴᕈᓐᓇᓂᐊᓪᓗᑕ ᐱᑕᖃᕈᓐᓇᒻᒪᖔ ᐃᓅᓱᑦᑐᓄ ᓇᒻᒥᖃᑦᑐᓕᕆᓂᐅᔪᒧᑦ ᑐᕌᑦᑕᕕᔅᓴᒥ ᐸᖕᓂᕐᑑᒥᑦ.
• ᑲᑎᒪᔨᕋᓛᖑᑲᐃᓐᓇᑦᑐ ᓂᕈᐊᓚᐅᑦᑐ ᖃᐅᔨᓴᑦᑎᓂ ᐋᑐᐋᒦᖔᑦᑐᓂᑦ ᖃᐅᔨᓴᓐᓂᐊᓪᓗᑎᑦ.
• ᖃᐅᔨᓴᑦᑏᑦ ᑎᑭᓚᐅᑦᑐ ᔮᓐᓄᐊᕆᐅᑉ ᓄᙳᐊᓂ ᐊᒻᒪᓗ ᑕᒫᓃᑦᑐᑎ ᐱᓇᓱᐊᕈᓯᒻᒥᑦ.
• ᖃᐅᔨᓴᓐᓂᖅ ᐱᔭᕇᑦᑕᐅᓂᐊᑦᑐ ᒪᑦᓯ 31, 2011ᕈᓚᐅᙱᓐᓂᖓᓂ.
2. ᐃᒥᕐᑕᕐᒃᕕᒃ ᐊᒻᒪᓗ ᐃᒻᒪᐃᕕᖓ ᓴᓇᔭᐅᒋᐊᓐᓂᖏᑦ
• ᐊᒃᑎᔅ ᖃᐅᔨᓴᑦᑏᑦ ᔨᐊᓗᓇᐃᒥᐅᑕᐃᑦ ᑳᓐᑐᕋᑦᖃᑦᑐ ᓄᓇᕗᑦ ᒐᕙᒪᒃᑯᓐᓂᑦ ᕿᒥᕐᕈᓂᐊᓪᓗᑎ ᐊᒻᒪᓗ ᐊᑐᓕᖁᔨᓂᐊᓪᓗᑎ ᐃᒥᕐᑕᕐᕕᐅᑉ ᐊᒻᒪᓗ ᐃᒻᒪᐃᕕᐅᑉ ᒥᔅᓵᓄᑦ.
• ᒪᕐᕉ ᓴᓇᔩᒃ ᐸᖕᓂᕐᑑᒦᓚᐅᑦᑑᒃ ᐱᓇᓱᐊᕈᓯᐅᓚᐅᑦᑐᒥ ᐅᖃᖃᑎᖃᕆᐊᑦᑐᑦᑐᑎ ᐅᕙᓐᓂ ᐊᒻᒪᓗ ᕗᐊᒪᓐᒥᑦ ᐃᒻᒪᐃᕕᐅᑉ ᒥᔅᓵᓄᑦ.
• ᐊᖏᖃᑎᒌᓚᐅᑦᑐᒍ ᐊᖏᔪᒥ ᐋᖅᑭᒋᐊᕆᐊᖃᑦᑐᖃᙵᑦ ᐊᑦᑕᓇᓕᑦᑎᑦᑕᐃᓕᒪᓂᐊᓪᓗᒍ ᐱᔭᕆᐊᑭᓪᓕᑎᓐᓂᐊᓪᓗᒍᓗ.
• ᓂᕆᐅᑦᑐᒍ ᓄᑖ ᐃᒻᒪᐃᕕᐅᒐᔭᑦᑐᒧ ᐸᕐᓇᕈᑎᑦᑕᖃᓐᓂᐊᕋᑕ ᐊᑐᐃᓐᓇᕈᑦᑎᓪᓗᒍ ᕿᒥᕐᕈᑦᑕᐅᓂᐊᙵᑦ ᒪᑦᓯ 31ᕈᓚᐅᙱᓐᓂᖓᓂ.
3. ᑐᐊᕕᓐᓇᑦᑐᓕᕆᓂᐅᔪᒧ ᐸᕐᓇᕈᑎᖃᓐᓂᒻᒥ ᐃᓕᓐᓂᐊᑲᐃᓐᓇᑦᑐ
• ᐃᓚᖃᑦᑐᑎ ᓄᓇᕗᑦ ᒐᕙᒪᒃᑯᖏᓐᓂ, ᕼᐋᒻᓚᒃᑯ ᑐᙵᓱᑦᑎᑦᑎᓚᐅᑦᑐ ᑎᓴᒪ ᐅᓪᓗᓂ ᐃᓕᓐᓂᐊᑦᑐᖃᑲᐃᓐᓇᑎᓪᓗᒍ ᕕᕝᕗᐊᕆ 7ᒥ 10ᒧ.
• ᖃᐃᖁᔨᓯᒪᓚᐅᑦᑐᒍ ᓱᕕᐅᔪᓂᑦ ᐱᖃᑕᐅᖁᓪᓗᒋ ᐃᓕᓐᓂᐊᑲᐃᓐᓇᓐᓂᐅᔪᒥᑦ. ᐅᑯᐊ ᐱᖃᑕᐅᓚᐅᑦᑐ:
- ᒪᐃᔭ, ᐊᓪᓚᑦᑎ, ᐃᑲᔪᑦᑎᖓ ᐊᓪᓚᑦᑎ, ᕼᐋᒻᓚᑦ ᕗᐊᒪᓐ
- ᐸᓖᓯᒃᑯᑦ, ᐋᓐᓂᐊᕕᒃᑯᑦ, ᐅᓇᓕᔅᓴᔭᒃᑯᑦ, ᖃᑦᑎᕆᔨᒃᑯᑦ
- ᖁᓪᓕᖅ ᐆᒻᒪᖅᑯᓯᓕᕆᔨᒃᑯᑦ, ᐃᓕᓴᕕᒃᑯᑦ, ᐃᓄᓕᕆᔨᒃᑯᑦ ᐊᒻᒪᓗ ᐃᒡᓗᓕᕆᔨᒃᑯᑦ
• ᐱᔾᔪᑕᐅᓚᐅᑦᑐ ᐃᓕᓐᓂᐊᑲᐃᓐᓇᓐᓂᐅᔪᖅ ᑐᑭᓯᑎᑕᐅᓂᐊᙵᑕ ᖃᓄ ᐋᖅᑭᔅᓱᐅᒋᐊᖃᒻᒪᖔ, ᐸᕐᓇᕆᐊᖃᒻᒪᖔᓪᓗ ᑐᐊᕕᓐᓇᑦᑑᔪᓂᑦ ᓄᓇᓕᐅᔪᒥᑦ.
• ᑲᑎᒪᔨᕋᓛᑦ ᑲᑎᒪᒃᑲᓐᓂᓛᑦᑐᐃ ᒫᑦᓯ 9ᒥᑦ.
• ᒪᐃᔭ ᓇᓗᓇᐃᔅᓯᓯᒪᔪ ᐱᓯᒪᑦᑎᒍᒪᓪᓗᓂ ᑭᖑᓪᓕᐹᖓᓂ ᑐᐊᕕᓐᓇᑦᑐᓕᕆᓂᐅᔪᒧ ᐸᕐᓇᕈᑎᔅᓴᒥᑦ ᕿᒥᕐᕈᑦᑕᐅᓂᐊᙵ ᑲᑎᒪᔨᓄᑦ ᐱᖓᓱ ᑕᖅᑏᑦ ᐊᓂᒍᓚᐅᙱᓐᓂᖏᓐᓂᑦ.
4. ᐊᑐᕆᐊᓐᓂ ᐊᑦᑎᔅᓱᐃᓂᒻᒧᑦ ᐱᓕᕆᐊᔅᓴᖅ
• ᕼᐋᒻᓚᒃᑯ ᑲᑎᒪᔨᖏᑦ ᐊᑦᑏᔪᒪᔪᐃ ᐊᑐᕆᐊᓕᒫᓂᑦ ᐸᖕᓂᕐᑑᒥᑦ.
• ᐊᓪᓚᕝᕕᒋᔭᕗ ᐊᑐᐃᓐᓇᕈᑉᐸᓪᓕᐊᔪᐃ ᑐᑭᓯᒋᐊᕈᑎᓂᔅᓴᓂᑦ ᐊᒻᒪᓗ ᐊᑐᑦᑕᐅᔭᕆᐊᖃᓐᓂᐊᑦᑐᓂᑦ ᓄᓇᓕᐅᔪᒥ.
• ᑭᖑᓂᐊᒍ ᐊᐱᕆᓛᒻᒥᔭᕗ ᓄᓇᓕᐅᔪᖅ ᖃᓄᐃᑦᑐᓂ ᐊᑎᖃᖁᔨᒐᔭᒻᒪᖔᑕ ᐊᑐᕆᐊᒋᔭᑦᑎᓐᓂᑦ.
5. ᐊᖏᕐᕌᑎᑦᑎᓂᐅᔪᒧᑦ ᒪᓕᒐᕋᓛᖅ
• ᐅᖃᐅᓯᕆᓚᐅᑦᑎᓪᓗᒍ, ᕼᐋᒻᓚᑦᑯ ᑲᑎᒪᔨᖏᑦ ᐊᖏᕐᕌᑎᑦᑎᓂᐅᔪᒧ ᒪᓕᒐᕋᓛᓕᑦᑎᑦᑎᔪᒪᒻᒪᑕ.
• ᐱᔾᔪᑕᐅᔪ ᐅᓇ ᒪᓕᒐᕋᓛᔅᓴᖅ ᐱᔭᕆᐊᖃᑦᑎᑦᑎᒐᔭᙵᑦ ᐱᓯᒪᔭᐅᙱᑦᑐ ᓱᕈᓰᑦ ᐊᖏᕐᕋᒡᓯᒪᒋᐊᖃᓕᕋᔭᙵᑕ ᐅᓐᓄᕈᑦᑎᓪᓗᒍ.
6. ᕿᑭᕐᑖᓗᒻᒥ ᒪᐃᔭᐅᔪᐃᑦ ᑲᑎᒪᔪᑦ
• ᕿᑭᕐᑖᓗᒻᒥ ᒪᐃᔭᐅᔪᐃᑦ ᑲᑎᒪᓚᐅᑦᑐ ᐱᓇᓱᐊᕈᓯᐅᓚᐅᑦᑐᒥ ᐃᖃᓗᓐᓂᑦ.
• ᒪᐃᔭ ᓴᐅᑦᓗᐊᐱᒃ ᐃᒃᓯᕙᐅᑕᐅᓚᐅᑦᑐ ᑖᓐᓇᓗ ᑐᖏᓕᖓ ᒪᐃᔭ ᑰᓂᓘᓯ ᑭᒡᒐᑐᓚᐅᑦᑐᓂ ᐸᖕᓂᕐᑑᒧᑦ.
• ᓇᓗᓇᐃᔅᓯᒋᐊᒃᑲᓂᓐᓂᐊᒻᒥᔪᒍ ᐱᓯᒪᑦᑎᓕᕈᑦᑕ ᑲᑎᒪᔾᔪᑎᒥᓂᓐᓂᑦ ᐊᒻᒪᓗ ᐊᔾᔨᖏᓐᓂ ᐱᖁᔨᕗᖔᕈᑎᐅᓚᐅᑦᑐᓂᑦ.
• ᑮᓇᐅᔭᓂ ᐅᖓᑖᓄ $3000.00ᓂ ᓄᐊᑦᑎᓚᐅᑦᑐᐃ ᓂᐱᖃᙱᑐᒃᑯ ᐊᑭᑦᑐᕋᐅᑎᑎᓪᓗᒋ ᓂᐅᕕᐊᔅᓴᐅᔪᓂᑦ ᓄᐊᑕᐃᓪᓗ ᑐᓂᔭᐅᓪᓗᑎ ᐋᓐᓕᑲᓐ ᑐᔅᓯᐊᕐᕕᒃᔪᐊᔅᓴᖓᓄᑦ.
7. ᐊᑯᑭᑦᑐᕐᒥᐅᑕᐃᑦ ᐳᓛᕆᐊᑦᑐ
• ᑲᓛᓰᑦ ᓄᓈᑦ ᒥᓂᔅᑕᖓ ᐃᓕᓐᓂᐊᑦᑐᓕᕆᔨᒃᑯᓐᓄᑦ ᐊᒻᒪᓗ ᐃᓚᖏ ᑭᒡᒐᑐᑦᑎᖏᑦ ᐳᓛᕆᐊᔅᓯᒪᓚᐅᑦᑐ ᐸᖕᓂᕐᑑᒧᑦ ᐃᓚᖃᑦᑐᑎ ᑳᑎ ᐅᒃᐱᒃᒥᑦ, ᓄᓇᕗᑦ ᒐᕙᒪᒃᑯᖏᑕ ᑐᖏᓕᖓ ᒥᓂᔅᑕ ᐃᓕᓐᓂᐊᑦᑐᓕᕆᒃᑯᓐᓄᑦ.
• ᒪᐃᔭ ᓴᐅᑦᓗᐊᐱᒃ ᐱᕕᖃᕈᓐᓇᓚᐅᑦᑐ ᓂᕆᖃᑎᖃᑦᑐᑎ ᑖᒃᑯᓂᖓ ᐊᒻᒪᓗ ᑐᓂᓯᓪᓗᓂᒋ ᑐᓂᕐᕈᑎᓂ ᓄᓇᓕᓐᓃᖔᑎᑦᑐᒋᑦ.
8. ᑲᓇᑕᒥ ᕿᒥᕐᓗᓕᕆᓂᐅᔪᒧᑦ ᑲᑐᔾᔨᖃᑎᒌᑦ
• ᐅᓇ ᐱᓕᕆᐊᔅᓴᖅ ᖄᖏᐅᑎᓯᒪᙱᑦᑐ ᐊᒻᒪᓗ ᓂᕆᐅᑦᑐᑕ ᕿᒥᕐᓗᓕᕆᔨᑦᑕᖃᓐᓂᐊᙵ ᐸᖕᓂᕐᑑᒥᑦ ᐄᐳᕉᓕᖅᑲᑦ.
• ᕿᒥᕐᓗᓕᕆᔨᒃ ᐃᓂᖃᓛᑦᑐ ᐋᓐᓂᐊᕕᒃᒥᑦ.
9. ᓄᓇᓕᐅᔪᒥ ᐊᒃᓯᕕᒃ ᐊᒻᒪᓗ ᐃᑭᑦᑎᕕᒃᓴᖅ
• ᕼᐋᒻᓚᑦᑯ ᐱᓕᕆᓯᒪᔪᐃ ᐊᒃᓯᕕᒃᒥᑦ ᐃᓛᑰᓕᑦᑎᑦᑐᒋ ᐃᒋᑕᐅᓯᒪᔪᐃᑦ ᒥᑭᓪᓕᐊᑦᑎᑦᑐᒋ ᐃᑭᑕᐅᔪᓐᓇᑦᑐᐃᑦ ᐊᑦᑕᓇᖏᓐᓂᔅᓴᐅᓕᕈᓐᓇᖁᓪᓗᒋ ᓄᓇᓕᐅᔪᒧᑦ.
• ᕼᐋᒻᓚᑦᑯ ᑲᑎᒪᔨᖏᑦ ᓱᓕ ᐊᖏᔅᓯᒪᓂᖃᑦᑐ ᐱᓇᓱᒍᒪᓪᓗᑎ ᐃᑭᑦᑎᕕᐅᒐᔭᑦᑐᒥ ᐊᑯᓂᐅᔪᒧ ᐋᖅᑭᒋᐊᕈᑎᒋᓗᒍ ᐃᑭᑦᑎᓂᐅᔪᖅ ᐊᒃᓯᕕᒃᒥᑦ.
• ᓄᓇᕗᑦ ᒐᕙᒪᒃᑯᖏᑕ ᓴᓇᔨᖏᑦ ᐸᖕᓂᕐᑑᒥᓐᓂᐊᑦᑐ ᒫᑦᓯᒥᑦ ᐅᖃᖃᑎᖃᕆᐊᑦᑐᓪᓗᑎ ᕼᐋᒻᓚᑦᑯ ᑲᑎᒪᔨᖏᓐᓂᑦ ᐃᓱᒫᓘᑕᐅᔪᓂ ᒥᔅᓵᓄᑦ.
10. ᐃᒡᓗ ᓈᓴᐅᑎᓕ 456ᒥᑦ
• ᐃᒡᓗᒃ 456, ᖃᓂᒋᔮᓃᑦᑐ ᐆᒻᒪᖅᑯᓯᓕᕆᔨᒃᑯ, ᐊᑦᑕᓇᓕᑦᑎᑎᒻᒪ ᓄᓇᓕᐅᔪᒧᑦ ᐊᒻᒪᓗ ᓱᕋᑦᑎᑦᑕᐅᓂᐊᑦᑐᓂ ᕼᐋᒻᓚᑦᑯᓐᓂᑦ.
• ᑭᖑᕙᔅᓯᒪᓂᐊᑦᑕᕗ ᓱᕋᑦᑎᕆᓂᖅ 8:30ᒧ ᐅᓪᓛᒃᑯ ᕿᑎᖅᑰᒥᑦ ᐱᕕᖃᑦᑎᒍᓐᓇᖁᓪᓗᒋ ᐃᓄᐃᑦ ᓇᕝᕚᑦᑕᕈᒪᓐᓂᖅᑲᑕ ᑕᐃᑲᙵᑦ.
• ᑖᕙᓐᓇ ᒪᑐᓯᒪᓂᐊᑦᑐ ᐃᓄᓐᓄᑦ 8:30ᒌᔅᓯᒪᓕᖅᑲ ᐅᓪᓛᒃᑯ ᕿᑎᖅᑰᒥᑦ.
11. ᐅᖄᓚᐅᑎᕋᓛᑦ ᒥᔅᓵᓄ ᓇᓗᓇᐃᔅᓯᒋᐊᓐᓂᖅ
• ᕼᐋᒻᓚᑦᑯ ᑲᑎᒪᔨᖏᑦ ᓱᓕ ᑕᒪᔅᓱᒥᖓ ᐱᓇᓱᑦᑐᐃᑦ
• ᑲᑎᒪᖃᑎᖃᓐᓂᐊᑦᑐᒍ ᐅᖄᓚᐅᑎᕋᓛᓕᕆᔨᒃᑯ ᐊᖏᔪᖅᑳᖓᓐᓂ ᑕᖅᑭᐅᓂᐊᑦᑐᒥᑦ.
• ᐱᓯᒪᑦᑎᓕᓐᓂᐊᑦᑐᒍ ᓄᓇᓕᐅᔪᒧ ᑐᑭᓯᒋᐊᕈᑎᒃᑲᓂᓐᓂᑦ ᑲᑎᒪᒌᔅᓯᒪᓕᕈᑦᑕ.
12. ᓄᓇᓕᐅᔪᒧ ᓇᓗᓇᐃᔅᓯᐊᓂᐅᔪᒧ ᐅᓪᓗᖏᑦ
• ᒪᐃᔭ ᐊᒻᒪᓗ ᐊᓪᓚᑦᑎ ᓇᓗᓇᐃᔅᓯᖃᑦᑕᓂᐊᑦᑑᒃ ᓄᓇᓕᐊᔪᒧᑦ ᐱᖓᓱ ᐱᓇᓱᐊᕈᓰᑦ ᐊᓂᒍᕋᐃᑉᐸᑕ.
• ᐅᓪᓗᕆᓂᐊᑦᑕᖏ ᒪᕐᕉ ᑕᖅᑭᐅᓛᑦᑐᓄᑦ ᐅᑯᐊᖑᕗᑦ:
ᒫᑦᓯ 21
ᐄᐳᕈ 11
ᒪᐃ 2
ᒪᐃ 23
• ᓇᓗᓇᐃᑦᑕᐅᔪᓕᒫᑦ ᐅᖃᐅᓯᕆᔭᐅᖃᑦᑕᓂᐊᑦᑐ ᐅᓐᓄᓴᒃᑯ ᓂᕆᓐᓇᒥᑦ.
ᐅᓇ ᓇᓗᓇᐃᒋᐊᕈᑎ ᐃᓄᒃᑎᑑᓕᑦᑎᑕᐅᓂᐊᑦᑐ ᐊᒻᒪᓗ ᐊᑐᐃᓐᓇᕈᑦᑎᑕᐅᓗᓂ ᑎᑎᖅᑲᓂᐊᕐᕕᒻᒥ ᐊᒻᒪᓗ ᖃᕋᓴᐅᔭᒧ ᐳᓚᕋᕝᕕᒋᔭᑦᑎᓐᓂᑦ.